សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីអគ្គនាយកដ្ឋានកិច្ចការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឱ្យដឹងថា៖ មន្រ្តីជំនាញ ក.ប.ប. សាខាខេត្តកំពត និងខេត្តកំពង់ធំ នាថ្ងៃទី២៧ និង២៨ ខែកុម្ភៈ ឆ្នាំ២០២២ បានបន្តត្រួតពិនិត្យទៅលើស្ថានីយ និងដេប៉ូប្រេងឥន្ធនៈស្ថិតក្នុងស្រុកអង្គរជ័យ ខេត្តកំពត ស្រុកតាំងគោក និងស្រុកបារាយណ៍ ខេត្តកំពង់ធំ។
ក្នុងប្រតិបត្តិការនោះដែរ គោលបំណងនោះគឺដើម្បីការពារនូវផលប្រយោជន៍ជូនអ្នកប្រើប្រាស់ និងស្វែងរកភាពមិនអនុលោមក្នុងវិស័យប្រេងឥន្ធនៈដែលកើតចេញពីម្ចាស់ស្ថានីយ និងដេប៉ូប្រកបរបរមិនសុចរិតក្នុងវិស័យមួយនេះផងដែរ។
ជាក់ស្ដែងជាលទ្ធផលមន្រ្តីជំនាញបានរកឃើញដេប៉ូប្រេងឥន្ធនៈចំនួន ៦ទីតាំងមិនមានអនុលោមភាព ក្នុងចំណោមស្ថានីយ និងដេប៉ូប្រេងឥន្ធនៈចំនួន ២១ទីតាំងដែលបានត្រួតពិនិត្យនិងពិន័យអន្តរការណ៍លើម្ចាស់ដេប៉ូឥន្ធនៈប្រេងខាងលើផងដែរ៕
ដោយ៖សហការី
