សារព័ត៌មាន នគរវត្ត តែងតែនាំមុខគេជានិច្ច
ខេត្ដកណ្ដាល៖ ជនសង្ស័យជាមុខសញ្ញាលួចយ៉ាងសកម្ម២នាក់ ខណៈកំពុងធ្វើសកម្មភាពលួចខ្សែភ្លើង ម្ចាស់មកទាន់បានឃាត់ខ្លួន រួចប្រគល់ឲ្យសមត្ថកិច្ចចាត់ការ។ ករណីនេះបានកើតឡើងកាលពី ថ្ងៃទី ០៦ ខែ មីនា ឆ្នាំ ២០២២ វេលាម៉ោង២៣និង៣០នាទី ចំណុចនៅភូមិ ជ្រលង ឃុំត្បែង ស្រុកកណ្ដាលស្ទឹង ខេត្ត កណ្ដាល។
មន្ត្រីនគរបាលស្រុកកណ្ដាលស្ទឹងបានឲ្យដឹងថា ជនរងគ្រោះឈ្មោះ ឡោ ភក្តី ភេទប្រុស អាយុ ៣២ឆ្នាំ មានទីលំនៅភូមិ ជ្រលង ឃុំ ត្បែង ស្រុក កណ្តាលស្ទឹង ខេត្ត កណ្តាល មុខរបរ កម្មករសំណង់។
ចំណែកជនសង្ស័យ០២នាក់មាន ៖
១.ឈ្មោះ ស វិចិត្រ ភេទ ប្រុស អាយុ ២៨ឆ្នាំមានទីលំនៅភូមិ ព្រែកស្លែង ឃុំ ព្រែកស្លែង ស្រុក កណ្ដាលស្ទឹង ខេត្ត កណ្ដាល មុខរបរ មិនពិតប្រាកដ (ឃាត់ខ្លួន)។
២ ឈ្មោះ សាំង សីហា ភេទ ប្រុស អាយុ ៣៦ ឆ្នាំ នៅភូមិព្រែកស្លែង ឃុំ ព្រែកស្លែង ស្រុកកណ្ដាលស្ទឹង ខេត្ត កណ្ដាល ។មុខរបរ មិនពិតប្រាកដ ( ឃាត់ខ្លួន)។
វត្ថុតាងចាប់យករួមមាន៖ ម៉ូតូមួយគ្រឿងម៉ាក ហុងដា គុបជ្រុង ពណ៌ ខៀវ គ្មាន ស្លាកលេខ,កូនកន្រ្តៃចំនួន ០១, ខ្សែភ្លើង ០២ ខ្សែប្រវែង ២៥សង់ទីម៉ែត្រ,កន្រ្តៃកាត់ខ្សែភ្លើងចំនួន ០១។
ប្រភពដដែលបន្តថា នៅមុនពេលកើតហេតុ វេលាម៉ោង២០និង៣០នាទី ជនសង្ស័យឈ្មោះ ស វិចិត្រ បានជិះម៉ូតូមួយគ្រឿងខាងលើឌុបជនសង្ស័យម្នាក់ទៀតឈ្មោះ សាំង សីហា ចេញពីផ្ទះរបស់ខ្លួនស្ថិតនៅភូមិ ព្រែកស្លែង ឃុំ ព្រែកស្លែង ស្រុកកណ្ដាលស្ទឹង ទៅតាមភូមិដេីម្បីលួចកាត់ខ្សែភ្លើងរបស់គេតាមភូមិ ពេលជិះទៅដល់កន្លែងកេីតហេតុជនសង្ស័យឈ្មោះ ស វិចិត្រ បានចុះពីលេីម៉ូតូដេីម្បីធ្វើសកម្មភាពលួចកាត់ខ្សែភ្លើងរបស់ជនរងគ្រោះ ដោយជនសង្ស័យឈ្មោះ សាំង សីហា នៅអង្គុយចាំលេីម៉ូតូដេីម្បីមេីលផ្លូវ ពេលកាត់ខ្សែភ្លើងដាច់ភ្លាម ជនសង្ស័យឈ្មោះ ស វិចិត្រ បានប្រមូលខ្សែភ្លើង ស្រាប់តែជនរងគ្រោះ និងប្រជាពលរដ្ឋពីរនាក់បានដេីរចេញមកឃើញជនសង្ស័យឈ្មោះ សាំង សីហា កំពុងអង្គុយក្បែរម៉ូតូ ចំណែកជនសង្ស័យ ស វិចិត្រ បានបោះខ្សែភ្លេីង និងកន្រ្តៃចោល រួចរត់ មួយសន្ទុះក្រោយមកទេីបដេីរមកកន្លែងម៉ូតូ ពេលនោះជនរងគ្រោះបានរាយការណ៍ជូនកម្លាំងប៉ុស្តិ៍នគរបាលរដ្ឋបាលឃុំត្បែង ពេលទទួលបានព័ត៌មានភ្លាមកម្លាំងប៉ុស្តិ៍នគរបាលរដ្ឋបាលឃុំត្បែង បានចុះមកដល់កន្លែងកេីតហេតុឃាត់ខ្លួនជនសង្ស័យនិងវត្ថុតាងបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីកសាងសំណុំរឿងតាមនីតិវិធីច្បាប់៕
ដោយ៖ ស្អាង ជ័យ
