ផ្លែសិរមាន់ ត្រូវបានប្រជាពលរដ្ឋខ្មែរបេះមកបរិភោគជាអាហារ

ភ្នំពេញ​៖​ ផ្លែសិរមាន់ ត្រូវបានប្រជាពលរដ្ឋខ្មែរបេះមកបរិភោគជាអាហារ។ ផ្លែទុំអាចបរិភោគបាន មានរសជាតិផ្អែមនិងជូរ។​ នេះបេី​យោង​តាមប្រភពព័ត៌មានពី​ក្រសួង​បរិស្ថាន​។ 

ក្រសួង​បរិស្ថាន​ បានឱ្យដឹងទៀតថា​៖​ ផ្លែសិរមាន់ រាងពងក្រពើទៅមូល មានអង្កត់ផ្ចិតប្រហែល ១.៥- ២ សង់ទីម៉ែត្រ និងប្រវែងប្រហែល ២.៥ – ៣ សង់ទីម៉ែត្រ សំបកមានសភាពគ្រើម មានដុំពកតូចៗលាតសន្ធឹងលើសំបកផ្លែ ! ផ្លែខ្ចីមានពណ៌បៃតង ផ្លែចាស់នឹងមានពណ៌ក្រហមឆ្អៅនៅ ក្នុងផ្លែមានគ្រាប់មួយ ហើយមានសាច់ថ្លា និងមានជាតិទឹកច្រើន។

ផ្លែសិរមាន់ ជាផ្លែឈើដែលមានការពេញនិយមមួយក្នុងស្រុក ព្រោះវាមានរស់ជាតិជូរ ដែលជាទីពេញនិយមសម្រាប់ស្ត្រីៗ ដែលចូលចិត្តបរិភោគផ្លែឈើជូរ ! នៅប្រទេសកម្ពុជាមានសម្បូរក្នុងខេត្តសៀមរាប ចំណែកនៅតាមខេត្តដ៏ទៃមានដុះតិចតួច។

ប្រភពដដែលបន្តថា​ សិរមាន់ គឺជាឈ្មោះឈើធំមួយប្រភេទ ផ្លែស្រដៀងនឹងគូលែន តែតូចជាងគូលែន បរិភោគបាន ( សរសេរជា សេរមាន់ ក៏មាន)។

ដើមសិរមាន់ មានឈ្មោះវិទ្យាសាស្ត្រ៖ Nephelium hypoleucum Kurz​ ។ ឧបតិដ្ឋាន៖ ជួរភ្នំហិម៉ាល័យខាងកើត , កម្ពុជា, ឡាវ , ម៉ាឡេស៊ី , ភូមា , ថៃ , វៀតណាម៕

ដោយ​៖សហការី​