សារព័ត៌មាន នគរវត្ត តែងតែនាំមុខគេជានិច្ច
បើតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃសុក្រទី៨ ខែមេសា ឆ្នាំ២០២២នេះថា៖ យ៉ាងហោចណាស់មនុស្សចំនួន ៣០នាក់ត្រូវបានសម្លាប់ និងច្រើនជាង ១០០នាក់រងរបួស នៅក្នុងការវាយប្រហារដោយគ្រាប់រ៉ុក្កែតពីសំណាក់ កងទ័ពរុស្ស៉ីលើស្ថានីយ៍រថភ្លើងមួយកន្លែង នៅក្នុងតំបន់ភាគខាងកើតនៃប្រទេសអ៊ុយក្រែន។
ចំពោះការវាយប្រហារដោយគ្រាប់រ៉ុក្កែតនៅថ្ងៃសុក្រទី០៨ ខែមេសានេះ កើតមានឡើងចំពេលជនស៊ីវិលកំពុងព្យាយាម ជម្លៀសខ្លួនទៅកន្លែងមានសុវត្ថិភាព ក្រោយទទួលបានការព្រមានឱ្យជម្លៀសខ្លួនពីអាជ្ញាធរ កាលពីប៉ុន្មានថ្ងៃមុននេះ។ នេះបើតាមក្រុមហ៊ុនផ្លូវដែករដ្ឋអ៊ុយក្រែននៅក្នុងតំបន់។
ជាមួយគ្នានេះ កងកម្លាំងរុស្ស៉ីបានដកខ្លួនចេញទាំងស្រុង ពីភាគជើងអ៊ុយក្រែន ទៅកាន់ប្រទេបេឡារុស និងរុស្ស៉ី ហើយកងទ័ពមួយចំនួននឹងត្រូវផ្ទេរទៅកាន់ភាគខាងកើតអ៊ុយក្រែនដើម្បីត្រៀមប្រយុទ្ធ ដណ្ដើមកាន់កាប់តំបន់ដុនបាស់ (Donbas)៕
នេះបេីយោងតាមភ្នាក់ងារស៊ើបការណ៍សម្ងាត់របស់យោធាអង់គ្លេស ក៏បានបញ្ជាក់នៅថ្ងៃសុក្រនេះ៕
ដោយ៖ស តារា
