សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វេីសកម្មភាពលួចម៉ូតូហុងដាឌ្រីមមួយគ្រឿងខណៈម្ចាស់ចតទុកនៅមុខផ្ទះ តែមិនបានសម្រេចត្រូវម្ចាស់ម៉ូតូឃេីញទាន់ចាប់ឃាត់ខ្លួនប្រគល់ជូនសមត្ថកិច្ច កាលពីវេលាម៉ោង២១និង៣០នាទីយប់ ថ្ងៃទី២១ ខែមេសា ឆ្នាំ២០២២ នៅក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ។
ជនសង្ស័យឈ្មោះ គីម គឹមអ៉ី ភេទប្រុសអាយុ២២ឆ្នាំ មុខរបរជាងផ្សារដែក ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ។
ចំណែកម្ចាស់ម៉ូតូឈ្មោះកែវ សុខរាត្រី ភេទប្រុស អាយុ២៣ឆ្នាំ មុខរបរកម្មករ ស្នាក់នៅបន្ទប់ជួលលេខD2 ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
តាមរបាយការណ៍សមត្ថកិច្ចបានឱ្យដឹងថា មុនពេលកេីតហេតុខណៈជនរងគ្រោះចេញពីធ្វេីការវិញក៏បានទុកម៉ូតូម៉ាកzoomer-x ស៊េរីឆ្នាំ ២០១៥ ពណ៌ខៀវ ពាក់ស្លាកលេខកំពត 1G- 3357 នៅមុខផ្ទះរួចចូលទៅក្នុងផ្ទះ លុះមកដល់វេលាកេីតហេតុស្រាប់តែឮសំឡេងបណ្តេីរម៉ូតូ ភ្លាមនោះជនរងគ្រោះក៏បានចេញមកមេីលឃេីញជនសង្ស័យកំពុងបណ្តេីរម៉ូតូខ្លួនទេីបស្រែងថាចោរៗបង្កការភ្ញាក់ផ្អេីលដល់អ្នកជិតខាងនាំគ្នាដេញចាប់ជនសង្ស័យបានតែម្តង រួចនាំខ្លួនមកប្រគល់ជូនសមត្ថកិច្ចដេីម្បីចាត់ការតាមច្បាប់៕
ដោយ៖សុខាសែនជ័យ
