សារព័ត៌មាន នគរវត្ត តែងតែនាំមុខគេជានិច្ច
គ្រោះអគ្គិភ័យបានឆាបឆេះនៅយប់ថ្ងៃទី២៤ខែមេសា នៅក្នុងឃ្លាំងស្តុកប្រេងនាទីក្រុង Bryansk តំបន់ Rostov ប្រទេសរុស្ស៊ី ។ មុនពេលឆាបឆេះពលរដ្ឋបានឮសូរសំឡេងផ្ទុះយ៉ាងខ្លាំង និងសំឡេងសុីរ៉ែនប្រកាសអាសន្ន ។ ពលរដ្ឋរស់នៅតំបន់ក្បែរៗនោះត្រូវបានជម្លៀសទៅកាន់តំបន់មានសុវត្ថិភាព។
ក្រសួងគ្រប់គ្រងគ្រោះអាសន្នរុស្ស៊ី បានឱ្យដឹងថា ពិតជាមានការផ្ទុះឆេះ ប៉ុន្តែមិនបានលើកឡើងលម្អិតពីបញ្ហាខាងលើនោះឡើយ ក៏ដូចជាមូលហេតុបណ្តាលឱ្យឆាបឆេះនោះដែរ។ ទីក្រុង Bryansk មានចម្ងាយពីព្រំដែនអ៊ុយក្រែនប្រមាណ ១៥៤គីឡូម៉ែត្រ ។
ក្នុងពេលជាមួយគ្នានេះដែរ អ្នកនាំពាក្យក្រសួងការពារជាតិរុស្ស៊ី លោក Igor Konashenkov បានប្រកាសនៅថ្ងៃទី ២៤ខែមេសាថា កាំជ្រួចមីស៊ីល កាំភ្លើងធំរបស់ទាហានរុស្ស៊ីបានវាយប្រហារទៅលើគោលដៅ រហូតដល់ ៤២៣កន្លែងនៅក្នុងប្រទេសអ៊ុយក្រែន។ ក្នុងចំណោមទីតាំងដែលរងការវាយប្រហារ មាន ទីបញ្ជាការអ៊ុយក្រែន២៦កន្លែង និងកន្លែងឈរជើងរបស់កម្លាំងទាហានអ៊ុយក្រែន៣៦៧ទីតាំង។
ជាមួយគ្នានេះដែរ លោក Igor Konashenkov ក៏បានបញ្ជាក់ថា កម្លាំងទាហានរុស្ស៊ីបានប្រើប្រាស់កាំជ្រួចមីស៊ីលនាំផ្លូវមានកម្រិតវាយប្រហារចំគោលដៅខ្ពស់ បំផ្លាញទីតាំងរោងចក្រផលិតគ្រាប់រំសេវ ក្នុងទីក្រុង Pavlohrad ភាគកណ្តាលប្រទេសអ៊ុយក្រែន។
មកដល់ថ្ងៃនេះកម្លាំងទាហានរុស្ស៊ីបានបំផ្លាញ កម្ទេចយន្តហោះ អ៊ុយក្រែន១៤១គ្រឿង ប្រព័ន្ធមីស៊ីលការពារដែនអាកាស២៦៣ប្រព័ន្ធ យន្តហោះគ្មានមនុស្សបើក ៥៤១គ្រឿង រថក្រោះ រថពាសដែក ២៥០០គ្រឿង រ៉ុក្កែត ៣០០គ្រឿង …៕
រូបថត ៖ Twitter
ដោយ៖ ធីរីណា(រូបថត ៖ Reuters)
