សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ លោក ស៊ាន បូរ៉ាត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានយុវជនគណបក្សប្រជាជនកម្ពុជាថ្នាក់កណ្តាល តំណាងដ៏ខ្ពង់ខ្ពស់ លោក ហ៊ុន ម៉ាណែត សមាជិកអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល អញ្ជើញជាអធិបតីក្នុងពិធីបើកវគ្គបណ្ដុះបណ្ដាលភ្នាក់ងារគណបក្សសង្កេតការណ៍បោះឆ្នោតខេត្តស្វាយរៀង ស្តីពី “តួនាទី ភារកិច្ចភ្នាក់ងារគណបក្សឆ្ពោះទៅកាន់ការបោះឆ្នោតឆ្នាំ២០២២” តាមរយៈប្រព័ន្ធវីដេអូ Zoom។
សូមបញ្ជាក់ថា នាព្រឹកថ្ងៃអាទិត្យទី១ កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១ ខែឧសភា ឆ្នាំ២០២២ លោក ស៊ាន បូរ៉ាត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានយុវជនគណបក្សប្រជាជនកម្ពុជាថ្នាក់កណ្តាល តំណាងដ៏ខ្ពង់ខ្ពស់លោក ហ៊ុន ម៉ាណែត សមាជិកអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល លោក យស ផានីត្ដា សមាជិកគណៈកម្មាធិការកណ្តាល និងជាប្រធានផ្នែកបណ្ដុះបណ្ដាល នៃយុវជនគណបក្សប្រជាជនថ្នាក់កណ្ដាល និងលោក ហេង សុខណាង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារយុវជនគណបក្សប្រជាជនកម្ពុជាខេត្តស្វាយរៀង បានអញ្ជើញចូលរួមជាអធិបតីក្នុងពិធីបើកវគ្គបណ្ដុះបណ្ដាលជូនដល់ភ្នាក់ងារគណបក្សទូទាំងខេត្តស្វាយរៀងសរុបចំនួន
២.០០០រូបនៃក្រុង-ស្រុកទាំង៨របស់ខេត្តស្វាយរៀង ក្រោមកិច្ចសហការរវាងគណៈកម្មាធិការគណបក្សខេត្តស្វាយរៀង នឹងផ្នែកបណ្ដុះបណ្ដាលនៃយុវជនគណបក្សប្រជាជនកម្ពុជាថ្នាក់កណ្ដាល តាមរយៈប្រព័ន្ធវីដេអូ Zoom ៕
ដោយ ៖ សិលា
