សារព័ត៌មាន នគរវត្ត តែងតែនាំមុខគេជានិច្ច
អតីតកីឡាករជម្រើសជាតិអាឡឺម៉ង់ Mesut Ozil បាននិយាយថា គាត់នឹងមិនកាត់បន្ថយកិច្ចព្រមព្រៀងជាមួយក្លិប Fenerbahce របស់គាត់ទេ បើទោះបីជាមិនបានបង្ហាញខ្លួនឱ្យក្រុមទួរគីមួយនេះចាប់តាំងពីខែមីនាក៏ដោយ។
ក្លិប Fenerbahce បានព្យួរ Ozil ក្នុងខែមីនាដោយបានប្រកាសនៅក្នុងសេចក្តីថ្លែងការណ៍មួយដោយមិនបង្ហាញពីហេតុផលនៅពីក្រោយការសម្រេចចិត្តរបស់ពួកគេ ប៉ុន្តែប្រព័ន្ធផ្សព្វផ្សាយក្នុងស្រុកបានរាយការណ៍ថា គាត់មានជាប់ពាក់ព័ន្ធក្នុងជម្លោះពាក្យសំដីជាមួយគ្រូបង្វឹកលោក Ismail Kartal ។
Ozil បាននិយាយនៅលើ Twitter ថា “ខ្ញុំបានបំពេញគោលដៅអាជីពរបស់ខ្ញុំដោយចុះហត្ថលេខាលើកិច្ចសន្យា៣ឆ្នាំកន្លះជាមួយ Fenerbahce ដែលជាក្តីស្រឡាញ់កាលពីកុមារភាពរបស់ខ្ញុំ ដោយមិនបានទទួលប្រាក់ឈ្នួលសម្រាប់រយៈពេល៦ខែដំបូង។
ខ្ញុំនិយាយម្តងទៀតដោយសង្កត់ធ្ងន់ថា ខ្ញុំនឹងមិនបញ្ចប់អាជីពរបស់ខ្ញុំនៅក្នុងក្រុមផ្សេងក្រៅពី Fenerbahce ទេ។ សម្រាប់រយៈពេលនៃកិច្ចសន្យារបស់ខ្ញុំ។ ប្រសិនបើអ្នកគ្រប់គ្រងរបស់យើងធ្វើការសម្រេចចិត្តអំពីខ្ញុំ ខ្ញុំនឹងគោរពតែអាកប្បកិរិយានេះ។ ខ្ញុំនឹងប្រឹងប្រែង និងត្រៀមខ្លួនជានិច្ច។ ដូចដែលខ្ញុំតែងតែនិយាយរឿងសំខាន់គឺ Fenerbahce” ។
Ozil បានចូលរួមជាមួយ Fenerbahce ពី Arsenal ក្នុងខែមករា ឆ្នាំ២០២១ក្នុងកិច្ចសន្យា៣ឆ្នាំកន្លះ បន្ទាប់ពីគាត់បានធ្លាក់ចេញពីការពេញចិត្តនៅក្លិប London ហើយមិនត្រូវបានបញ្ចូលក្នុងក្រុម Premier League ឬ Europa League របស់ពួកគេ ។
Ozil ដែលជួយឲ្យអាល្លឺម៉ង់ឈ្នះម្ចាស់ជើងឯក World Cup បានដើរតួយ៉ាងសំខាន់ក្រោមការដឹកនាំរបស់លោក Arsene Wenger ក្នុងការជួយArsenal ឈ្នះពានរង្វាន់ FA Cup ក្នុងរដូវកាលដំបូងរបស់គាត់ ប៉ុន្តែក្រោយមកត្រូវបានកាត់បន្ថយក្រោមការជំនួសរបស់លោក Wenger លោក Unai Emery និងដោយ Mikel Arteta ៕
ដោយ៖ ភារៈ(រូបភាព ៖ channelnewsasia.com)
