សារព័ត៌មាន នគរវត្ត តែងតែនាំមុខគេជានិច្ច
យោងតាមក្រុមស្រាវជ្រាវ CIES Football Observatory បានឱ្យដឹងថាកីឡាករ Kylian Mbappe, Vinicius Jr និង Erling Haaland គឺជាកីឡាករដែលមានគុណតម្លៃបំផុតនៅក្នុងពិភពលោក។ Mbappeវ័យ២៣ឆ្នាំ ដែលបានច្រានចោលការផ្លាស់ទៅ Real Madrid ដើម្បីបន្តនៅ Paris St-German នោះឈរនៅកំពូលតារាងជាមួយនឹងតម្លៃផ្ទេរប៉ាន់ស្មាន២០៥.៦លានអឺរ៉ូ (១៧៥.៧លានផោន) ។
ខ្សែបម្រើស្លាបប្រេស៊ីល Vinicius Jr របស់ Real Madrid ដែលបានស៊ុតបញ្ចូលទីឈ្នះក្នុងការប្រកួតវគ្គផ្តាច់ព្រ័ត្រ Champions League ទល់នឹង Liverpool ស្ថិតនៅលេខ២ក្នុងតម្លៃ១៥៨.៣លានផោន ជាមួយនឹងខ្សែប្រយុទ្ធរបស់ក្រុម Manchester City របស់ន័រវេស Haaland ឈរលេខ៣ (១៣០.៤លានផោន) ។
ខ្សែបម្រើ Jude Bellingham របស់ Borussia Dortmund (១១៤.១លានផោន) គឺជាកីឡាករអង់គ្លេសដែលមានតម្លៃបំផុតក្នុងបញ្ជីក្នុងចំណាត់ថ្នាក់លេខ៥នាំមុខមិត្តរួមក្រុមអង់គ្លេស និងខ្សែបម្រើ Phil Foden របស់ Manchester City នៅលេខ៦ (១០៥.៩លោនផោន) ។
ក្លិប Premier League គ្រប់គ្រងបញ្ជីដោយមានកីឡាករចំនួន៤១នាក់ក្នុងចំណោម១០០ក្នុងលេខរៀងកំពូល។ ស្ថាប័ន CIES ប្រើប្រាស់អថេរជាច្រើនរួមមានអាយុ, ការលេង, តម្លៃសេដ្ឋកិច្ចនៃក្លិបរបស់ពួកគេ និងអតិផរណាដើម្បីធ្វើការប៉ាន់ស្មានតម្លៃផ្ទេរ។
ខ្សែប្រយុទ្ធបារាំង Mbappe បានចុះហត្ថលេខាលើទំនាក់ទំនងថ្មីរយៈពេល៣ឆ្នាំជាមួយ PSG កាលពីខែមុន ខណៈដែលគាត់បានជ្រើសរើសស្នាក់នៅ PSG ជាជាងផ្លាស់ទៅ La Liga និងម្ចាស់ជើងឯក Champions League Real Madrid ។ កីឡាករដែលជួយឲ្យបារាំងឈ្នះជើងឯក World Cup រូបនេះរកបាន២៨គ្រាប់នៅ Ligue 1 ដើម្បីជួយ PSG ឈ្នះជើងឯកឆ្នាំ២០២១-២០២២។
Haaland វ័យ២១ឆ្នាំកំពុងចូលរួមជាមួយ Manchester City ពីក្លិបBorussia Dortmund បន្ទាប់ពី Man City បានផ្លាស់ប្តូរ៦០លានអឺរ៉ូ (៥១.២លានផោន)។ មិត្តរួមក្រុម Man City ថ្មីរបស់គាត់ Ruben Dias គឺជាខ្សែការពារដែលមានតម្លៃបំផុតក្នុងចំណាត់ថ្នាក់ទី៩ (៩៣.៦លានផោន) ។
កីឡាករឆ្នើមប្រចាំរដូវកាលនៅ Premier League គឺ Kevin de Bruyne វ័យ៣០ឆ្នាំរបស់ Manchester City គឺជាកីឡាករចំណាស់ជាងគេបំផុតក្នុងចំណោមកីឡាករជ្រើសរើសទាំង១០០ (៤៨.៩លោនផោន) ហើយ Gavi របស់ Barcelona អាយុ១៧ឆ្នាំ (៤៩.៩លានផោន) គឺជាកីឡាករក្មេងជាងគេ។
ទន្ទឹមនឹងនេះដែរ Gianluigi Donnarumma របស់ PSG ដែលបានឈ្នះជើងឯកអឺរ៉ុបជាមួយអ៊ីតាលី គឺជាអ្នកចាំទីដែលមានតម្លៃបំផុតនៅចំណាត់ថ្នាក់ទី៤១ក្នុងតារាង (៦២.៩លានផោន)។ Liverpool ដែលជាជើងឯករង Premier League និង Champions League រដូវកាលនេះ ត្រូវបានតំណាងក្នុងក្រុមកំពូលទាំង១០ ដោយកីឡាករ Luis Diaz (៩៤លានផោន) កាលពីខែមករា។
កីឡាករទាំង៣របស់ Barcelona គឺ Pedri, Frenkie de Jong ដែលត្រូវបានផ្សារភ្ជាប់ជាមួយនឹង Manchester United និង Ferran Torres សុទ្ធតែមានលក្ខណៈពិសេសនៅក្នុងកំពូលទាំង១០។កីឡាករអន្តរជាតិអង់គ្លេស Jadon Sancho (៨៨.១លានផោន), Mason Mount (៨៥.៧លានផោន) និង Bukayo Saka (៨៥.៦លានផោន) ជាប់ចំណាត់ថ្នាក់ទី១៣ ទី១៤ និងទី១៥រៀងគ្នា។ចំណែក Darwin Nunez ដែលត្រូវបានផ្សារភ្ជាប់យ៉ាងខ្លាំងជាមួយនឹងការផ្ទេរពី Benfica មានតម្លៃខ្ពស់បំផុត (៥៩.៩លានផោន) សម្រាប់កីឡាករនៅក្រៅលីកកំពូលទាំង៥របស់អឺរ៉ុប ៕
ដោយ៖ ភារៈ(រូបភាព ៖ BBC Sport)
