សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើ Rodri របស់ក្រុមមេឃខៀវ Manchester City បានចុះកិច្ចសន្យាថ្មីរយៈពេល៥ឆ្នាំរហូតដល់រដូវក្តៅឆ្នាំ២០២៧។
កីឡាករជម្រើសជាតិអេស្ប៉ាញវ័យ២៦ឆ្នាំរូបនេះបានបង្ហាញខ្លួន១៥១ប្រកួតសម្រាប់ក្រុមរបស់លោក Pep Guardiola ចាប់តាំងពីផ្ទេរពីក្លិប AtleticoMadrid ក្នុងតម្លៃកំណត់ត្រាក្លិប៦២.៨លានផោនក្នុងឆ្នាំ២០១៩។
Rodri បានជួយក្រុមឈ្នះពានរង្វាន់ធំៗចំនួន៥ក្នុងអំឡុងពេលរបស់គាត់នៅកីឡដ្ឋាន Etihad រួមទាំងពានរង្វាន់ Premier League ផងដែរ។
កីឡាករ Rodri បាននិយាយថា “ចូលរួមជាមួយ Man City នៅឆ្នាំ២០១៩គឺជាការសម្រេចចិត្តដ៏ល្អបំផុតដែលខ្ញុំបានធ្វើនៅក្នុងអាជីពរបស់ខ្ញុំ។ ខ្ញុំស្រលាញ់គ្រប់វិនាទី។ អ្នកគាំទ្រពិតជាអស្ចារ្យជាមួយខ្ញុំ ខ្ញុំមានអារម្មណ៍ថា មានការគាំទ្រទាំងស្រុងពីក្លិប ហើយអ្នកគ្រប់គ្រងជំរុញខ្ញុំជារៀងរាល់ថ្ងៃ”។
កីឡាកររូបនេះបន្តថា “យើងទទួលបានជោគជ័យយ៉ាងខ្លាំងចាប់តាំងពីខ្ញុំមកទីនេះ ដែលជាអ្វីដែលធ្វើឱ្យខ្ញុំមានមោទនភាពយ៉ាងខ្លាំង។ ប៉ុន្តែនិយាយឱ្យត្រង់ទៅភាពជោគជ័យនោះបានធ្វើឱ្យខ្ញុំកាន់តែស្រេកឃ្លាន នៅពេលដែលអ្នកចាប់ផ្តើមឈ្នះពានរង្វាន់ធំៗ អ្នកមិនចង់ឈប់នោះទេ”។
លោក Txiki Begiristain នាយកក្លិបបាល់ទាត់ Man City បានបញ្ជាក់ផងដែរថា “គាត់គឺជាគំរូដ៏ល្អឥតខ្ចោះនៃអ្វីដែលអ្នកជំនាញកំពូលគួរតែមើល។ គាត់មានអាកប្បកិរិយាដ៏អស្ចារ្យ រស់នៅតាមរបៀបត្រឹមត្រូវ ថែរក្សារាងកាយរបស់គាត់ និងហ្វឹកហាត់យ៉ាងលំបាកជារៀងរាល់ថ្ងៃ។ ក្តីស្រមៃរបស់អ្នកចាត់ការម្នាក់ ហើយខ្ញុំដឹងថា Pep ចូលចិត្តធ្វើការជាមួយគាត់។ គាត់មានភាពប្រសើរឡើងជាច្រើនចាប់តាំងពីមកទីនេះ ហើយសម្រាប់ខ្ញុំ ឥឡូវនេះគាត់គឺជាកីឡាករម្នាក់ក្នុងចំណោមកីឡាករល្អបំផុតក្នុងពិភពលោកក្នុងតំណែងរបស់គាត់” ៕
ដោយ៖ ភារៈ(រូបភាព ៖ BBC Sport)
