សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកគងពិសី កាលពីវេលាម៉ោង ១២និង៥០នាទីរសៀលថ្ងៃទី២៤ ខែកក្កដា ឆ្នាំ២០២២នេះ បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀន០១នាក់ នៅចំណុចភូមិអង្គរមាស ឃុំជង្រុក ស្រុកគងពិសី ខេត្តកំពង់ស្ពឺ ។
យោងតាមដំណើររឿងហេតុ បានឱ្យដឹងថា មុនពេលកើតហេតុកម្លាំងសមត្ថកិច្ចមូលដ្ឋាន បានជិះល្បាតដេីម្បីទប់ស្កាត់រាល់បទល្មេីសផ្សេងៗ ដែលអាចកើតមានឡើងជាយថាហេតុ។ លុះមកដល់ចំណុចខាងលើ ក៏ប្រទះឃេីញក្រុមជនសង្ស័យកំពុងឈររេរៀរ ដោយមានការសង្ស័យកម្លាំងជំនាញក៏ធ្វើការឆែកឆេរជាក់ស្ដែង រកឃើញគ្រឿងញៀនមួយចំនួនហើយឃាត់ខ្លួនយកមកសាកសួរ ដេីម្បីចាត់ការតាមច្បាប់។
ជនសង្ស័យមានឈ្មោះ ធឿន ដារ៉ា ភេទ ប្រុស អាយុ ២២ឆ្នាំ នៅភូមិអង្គរមាស ឃុំជង្រុក ស្រុកគងពិសី ខេត្តកំពង់ស្ពឺ ។
ដកហូតវត្ថុតាងរួមមាន ៖ ម្សៅក្រាមពណ៌សថ្លាសង្ស័យជាគ្រឿងញៀន៨កញ្ចប់តូច , ម៉ូតូ ១គ្រឿង និងទូរស័ព្ទ២ គ្រឿង។
បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿងចាត់ការតាមនីតិវិធី ។
គួរជម្រាបដែរថា បេីតាមរបាយការណ៍របស់អគ្គស្នងការនគរបាលជាតិ ក៏បានឱ្យដឹងដែរថា ជនសង្ស័យចំនួន៥៩នាក់(ស្រី៥នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាទបទល្មើសគ្រឿងញៀនចំនួន២២ករណីទូទាំងប្រទេស នៅថ្ងៃទី២៤ ខែកក្កដានេះ ។ ដូច្នេះសូមនិយាយថាទេចំពោះគ្រឿងញៀន ! ៕
ដោយ៖អារុណរះ
