សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បេីយោងតាមរបាយការណ៍របស់អគ្គស្នងការនគរបាលជាតិ បានឱ្យដឹងនៅព្រឹកថ្ងៃពុធទី០៣ ខែសីហា ឆ្នាំ២០២២នេះថា៖ កម្លាំងអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ឯក ប៉ាន់ វ៉ាន់នី ជាអធិការ បានធ្វើការបង្ក្រាបករណីល្បែងស៊ីសងខុសច្បាប់ (បញ្ជល់មាន់) ០១ករណី ឃាត់ខ្លួនអ្នកប្រព្រឹត្តចំនួន ៦នាក់ កាលពីរសៀលថ្ងៃទី០២ ខែសីហាម្សិលមិញនេះ ស្ថិតត្រង់ចំណុចឈ្នាន់បី ក្នុងភូមិសាស្ត្រភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។
របាយការណ៍ដដែលបន្តថា ក្នុងកិច្ចប្រតិបត្តិការនេះ សមត្ថកិច្ចបានចាប់ឃាត់អ្នកប្រព្រឹត្តល្បែងចំនួន ០៦នាក់រួមមាន៖ ១-ឈ្មោះ ផុន សុភ័ណ្ឌ ហៅ ឡន ភេទប្រុស អាយុ៥៩ឆ្នាំ មានទីលំនៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង ។ ២-ឈ្មោះ កុយ រាយ ភេទប្រុស អាយុ៦០ឆ្នាំ ស្នាក់នៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។ ៣-ឈ្មោះ អាត់ ឈឿត ភេទប្រុស អាយុ៦៣ឆ្នាំ មានទីលំនៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។ ៤-ឈ្មោះ លី ចាន់ ភេទប្រុស អាយុ៤១ឆ្នាំ ស្នាក់នៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។ ៥-ឈ្មោះ ឆយ ឈៀង ភេទប្រុស អាយុ៤៤ឆ្នាំ មានទីលំនៅភូមិទួលម្ទេស ឃុំធិបតី ស្រុកគាស់ក្រឡ ខេត្តបាត់ដំបង ។ ៦-ឈ្មោះ ប៉ាន់ រ៉េត ភេទប្រុស អាយុ៥០ឆ្នាំ មានទីលំនៅភូមិកំពង់អំពិល ឃុំកន្ទឺ១ ស្រុកបាណន់ ខេត្តបាត់ដំបង ។
សមត្ថកិច្ចដកហូតវត្ថុតាងរួមមាន ៖
-មាន់ឈ្មោលចំនួន ០៣ក្បាល
-កៅស៊ូហ៊ុំធ្វើសង្វៀនសម្រាប់បញ្ជល់មាន់ ០១
-ជញ្ជីងថ្លឹងមាន់ ០១
-ឆ្នាំងដាំទឹកស្អំមាន់ ០១
-ធុងទឹក ០១
-ស្បែកជើង ០២សំរាប់
-ម៉ូតូចំនួន ០៤គ្រឿង ។
បច្ចុប្បន្នជនសង្ស័យ ត្រូវបានកម្លាំងនគរបាលស្រុកបានធ្វើការអប់រំ និងធ្វើកិច្ចសន្យាដល់អ្នកលេងភ្នាល់ជល់មាន់ខុសច្បាប់ខាងលើឱ្យបញ្ឈប់រាល់ល្បែងស៊ីសងគ្រប់ប្រភេទ រួចអនុញ្ញាតឱ្យក្រុមគ្រួសារមកធានាត្រឡប់ទៅផ្ទះវិញ៕
ដោយ៖អារុណរះ
