សារព័ត៌មាន នគរវត្ត តែងតែនាំមុខគេជានិច្ច
Wolves បានយល់ព្រមលើកិច្ចព្រមព្រៀងតម្លៃ២៧.៥លានផោនជាមួយ Valencia សម្រាប់ខ្សែប្រយុទ្ធ Goncalo Guedes។ កីឡាករអន្តរជាតិព័រទុយហ្គាល់វ័យ២៥ឆ្នាំរូបនេះនឹងត្រូវធ្វើដំណើរទៅពិនិត្យសុខភាពនៅថ្ងៃចន្ទនេះ មុនពេលចុះហត្ថលេខាលើកិច្ចព្រមព្រៀងរយៈពេលវែង។
Guedes គឺជាគោលដៅរដូវក្តៅសម្រាប់អ្នកចាត់ការ Bruno Lage ប៉ុន្តែតម្រូវការរបស់ Wolves សម្រាប់អ្នកវាយប្រហារកាន់តែមានសម្ពាធខ្លាំងឡើង បន្ទាប់ពីរបួសរបស់ Raul Jimenez ដែលបានធ្វើឱ្យគាត់អវត្តមានក្នុងរដូវកាលដំបូង។ Hwang Hee-chan បានចាប់ផ្តើមនាំមុខសម្រាប់ការបរាជ័យ ២-១ កាលពីថ្ងៃសៅរ៍នៅលើទឹកដី Leeds ប៉ុន្តែមិនបានធ្វើឱ្យមានការចាប់អារម្មណ៍ច្រើន។
មានតែក្លិបដែលត្រូវកាត់ចោលចំនួនបីគឺ Burnley, Watford និង Norwich ប៉ុណ្ណោះដែលស៊ុតបញ្ចូលទីបានតិចជាង៣៨គ្រាប់របស់ Wolves នៅ Premier League កាលពីរដូវកាលមុន។ Guedes ដែលអាចលេងនៅស្លាប ឬជាខ្សែប្រយុទ្ធ បានចាប់ផ្តើមអាជីពរបស់គាត់នៅ Benfica មុនពេលចូលរួមជាមួយ Paris St-Germain។ គាត់បានផ្លាស់ទៅក្លិប Valencia ក្នុងលក្ខខ័ណ្ឌខ្ចីជើងក្នុងឆ្នាំ២០១៧ ដោយធ្វើឱ្យកិច្ចព្រមព្រៀងនេះស្ថិតស្ថេរមួយឆ្នាំក្រោយមក។
ទន្ទឹមនឹងនេះដែរ Everton បំពេញការខ្ចីជើងខ្សែការពារអង់គ្លេសពី Wolves សម្រាប់ប្រធានក្រុម Conor Coady។ Everton បានបញ្ចប់ការចុះហត្ថលេខាលើខ្សែការពារកណ្តាលអង់គ្លេស Conor Coady ក្នុងលក្ខខ័ណ្ឌខ្ចីជើងពេញមួយរដូវកាល។ Everton របស់ Frank Lampard ខ្វះខ្សែការពារបន្ទាប់ពីBen Godfrey និង Yerry Mina របួសក្នុងការប្រកួតបើកឆាក Premier League ទល់នឹង Chelsea។
Coady បាននិយាយថា “នៅពេលដែលខ្ញុំបានឮពីចំណាប់អារម្មណ៍ ខ្ញុំពិតជាចង់ក្លាយជាផ្នែកមួយនៃវាភ្លាមៗ។ ខ្ញុំពិតជាចង់ដើម្បីចូលរួមធ្វើឲ្យមានការប្រកួតដ៏អស្ចារ្យមួយ”។ កីឡាករវ័យ២៩ឆ្នាំរូបនេះនឹងពាក់អាវលេខ៣០សម្រាប់ Everton ។
គាត់បានផ្លាស់ទៅ Wolves ពី Huddersfield ក្នុងឆ្នាំ២០១៥ ហើយបានបង្ហាញខ្លួនជាង៣០០ដងសម្រាប់ក្លិប Molineux ។ Coady គឺជាកីឡាករទី៤របស់ Everton នៃទីផ្សារដោះដូរកីឡាកររដូវក្តៅ បន្ទាប់ពីខ្សែការពារកណ្តាល James Tarkowski អតីតមិត្តរួមក្រុម Wolves Rúben Vinagre និងខ្សែប្រយុទ្ធ Dwight McNeil។
លោក Lampard បាននិយាយថា “ក៏ដូចជាការក្លាយជាខ្សែការពារដ៏គួរឱ្យទុកចិត្តបំផុតរបស់ Premier League និងជាកីឡាករអន្តរជាតិអង់គ្លេស ជំនាញភាពជាអ្នកដឹកនាំរបស់គាត់នឹងមានប្រយោជន៍ច្រើនសម្រាប់យើង” ៕
ដោយ៖ ភារៈ(រូបភាព ៖ BBC Sport)
