សារព័ត៌មាន នគរវត្ត តែងតែនាំមុខគេជានិច្ច
ក្លិប Nice នៅលីកកំពូលបារាំង Ligue 1 បានចុះហត្ថលេខាលើខ្សែបម្រើស្លាបរបស់ Arsenal កីឡាករ Nicolas Pepe ក្នុងលក្ខខណ្ឌខ្ចីជើង។ កិច្ចព្រមព្រៀងរយៈពេលមួយរដូវកាលនេះមិនរាប់បញ្ចូលជម្រើសក្នុងការទិញកីឡាករវ័យ២៧ឆ្នាំរូបនេះផ្តាច់សម្រាប់ក្រុមកាំភ្លើងធំកាលពីរដូវកាលមុននោះទេ។
Pepe បានចូលរួមជាមួយក្រុមភាគខាងជើងទីក្រុងឡុង Arsenal ក្នុងតម្លៃកំណត់ត្រាក្លិប៧២លានផោនពី Lille កាលពីឆ្នាំ២០១៩ ប៉ុន្តែមិនបានបង្ហាញខ្លួនញឹកញាប់ក្នុងក្របខ័ណ្ឌ Premier League នោះទេ។ ក្លិបបាននិយាយថា “មនុស្សគ្រប់គ្នានៅ Arsenal សូមជូនពរ Nico ឱ្យបានល្អនៅប្រទេសបារាំងជាមួយ Nice នៅរដូវកាលក្រោយ” ។
កីឡាករសញ្ជាតិកូតឌីវ័រដែលកុងត្រានឹងផុតកំណត់នៅឆ្នាំ២០២៤រូបនេះមិនបានបង្ហាញខ្លួនក្នុងការប្រកួតបើកឆាក Premier League ណាមួយរបស់ Arsenal នៅរដូវកាលនេះទេ។ គាត់ស៊ុតបញ្ចូលទីបាន២៧គ្រាប់ក្នុង១១២ប្រកួតក្នុងការប្រកួតទាំងអស់។
គាត់ត្រូវបានគេណែនាំដល់អ្នកគាំទ្រ Nice មុនពេលការប្រកួត Europa Conference League របស់ពួកគេជាមួយក្រុម Maccabi Tel Aviv កាលពីល្ងាចថ្ងៃព្រហស្បតិ៍។
អ្នកចាត់ការក្រុមកាំភ្លើងធំលោក Mikel Arteta បានពង្រឹងក្រុមរបស់គាត់ក្នុងអំឡុងពេលទីផ្សារដោះដូរកីឡាករនេះ ដោយនាំយកនូវកីឡាករដែលមានទេពកោសល្យខ្សែប្រយុទ្ធ Gabriel Jesus, Fabio Vieira និងកីឡាករវ័យក្មេងប្រេស៊ីល Marquinhos ៕
ដោយ៖ ភារៈ(រូបភាព ៖ BBC Sport)
