សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដើម្បីកាត់បន្ថយការគ្រោះថ្នាក់ចរាចរណ៍ណាមួយ និងទប់ស្កាត់បទល្មើសផ្សេងៗដែលអាចកើតមានឡើងជាយថាហេតុ កម្លាំងគណៈបញ្ជាការឯកភាពរដ្ឋបាលខណ្ឌដូនពេញ បានដាក់គោលដៅចុះត្រួតពិនិត្យអាវុធជាតិផ្ទុះ និងពង្រឹងការអនុវត្តច្បាប់ចរាចរណ៍ផ្លូវគោក។ នេះបេីយោងតាមប្រភពព័ត៌មានពីរដ្ឋបាលខណ្ឌដូនពេញ នៅព្រឹកថ្ងៃសុក្រទី០៩ ខែកញ្ញា ឆ្នាំ២០២២។
រដ្ឋបាលខណ្ឌដូនពេញ បានឱ្យដឹងទៀតថា កាលពីយប់ថ្ងៃទី០៨ ខែកញ្ញា ឆ្នាំ២០២២ ចាប់ពីវេលាម៉ោង២០ និង៣០នាទីដល់ម៉ោង២២ និង០០នាទី យោងគោលការណ៍ដឹកនាំរបស់លោក ជា ខេមា អភិបាល នៃគណៈអភិបាលខណ្ឌដូនពេញ លោក ម៉ុក ច័ន្ទករុណា អភិបាលរងខណ្ឌ បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌដូនពេញ ដាក់កម្លាំងសរុប ចំនួន៣១នាក់ ចុះត្រួតពិនិត្យអាវុធជាតិផ្ទុះ និងពង្រឹងការអនុវត្តច្បាប់ចរាចរណ៍ផ្លូវគោក នៅគោលដៅរង្វង់មូលវត្តភ្នំ ( ត្រង់ចំណុចអគ្គិសនីកម្ពុជា ) ស្ថិតនៅផ្លូវលេខ១៩ កែងផ្លូវលេខ៩៤ ភូមិ៩ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ជាក់ស្ដែងក្នុងប្រតិបត្តិការនោះ មធ្យោបាយឆ្លងកាត់ សរុបចំនួន១៣៥គ្រឿង ( រថយន្ត៤០គ្រឿង និងម៉ូតូ៩៥គ្រឿង )។ អប់រំ អ្នកបើកបរម៉ូតូ គ្មានពាក់មួកសុវត្ថិភាព ម៉ូតូអត់កញ្ចក់ពេលយប់ ចំនួន០០គ្រឿង ។ ជាលទ្ធផល អាវុធឆ្លងកាត់ ចំនួន០០ដើម៕
ដោយ៖ស តារា
