សារព័ត៌មាន នគរវត្ត តែងតែនាំមុខគេជានិច្ច
ស្រុកម៉ាឡៃ ៖ ជនសង្ស័យ៥នាក់លួចម៉ូតូពីក្រុងប៉ោយប៉ែតទៅសម្ងំលាក់ខ្លួនក្នុងផ្ទះសំណាក់ត្រូវកម្លាំងនគរបាលក្រុងប៉ោយប៉ែតសហការជាមួយនគរបាលស្រុកម៉ាឡៃឃាត់ខ្លួនថ្ងៃទី ០៩ ខែ កញ្ញា ឆ្នាំ២០២២។
នគបាលស្រុកម៉ាឡៃបានប្រាប់ថា ដោយមានការចង្អុលបង្ហាញរបស់លោក ឧត្ដមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ និងក្រោមការដឹកនាំបញ្ជាផ្ទាល់ពីលោក ភា មុនីនិត្យ អធិការស្ដីទី នៃអធិការដ្ឋាននគរបាលស្រុកម៉ាឡៃ ។
កម្លាំងជំនាញ នៃអធិការដ្ឋាននគរបាលស្រុកម៉ាឡៃ បានសហការជាមួយកម្លាំងជំនាញ នៃអធិការដ្ឋាននគរបាលក្រុងប៉ោយបែត បានធ្វេីការចុះបង្ក្រាបករណី លួចមានស្ថានទម្ងន់ទោស ចំនួន ០១ ករណី ដែលកើតឡើងនៅចំណុច ភូមិ គីឡូម៉ែត្រលេខ៤ សង្កាត់ ផ្សារកណ្ដាល ក្រុង ប៉ោយប៉ែត ខេត្តបន្ទាយមានជ័យ រួចក៏ធ្វើការរត់គេចខ្លួនមកស្នាក់នៅផ្ទះសំណាក់ មុីមុី ស្ថិតក្នុងភូមិ ដូង ឃុំ ម៉ាឡៃ ស្រុក ម៉ាឡៃ ។
សមត្ថកិច្ចបានឱ្យដឹងថា៖ក្នុងកិច្ចសហប្រតិបត្តិការនេះ កម្លាំងអធិការដ្ឋាននគរបាលស្រុកម៉ាឡៃបង្រ្កាបឃាត់ខ្លួនបានជនសង្ស័យចំនួន ០៥ នាក់ ព្រមទាំងដកហូតបាន ៖
១ . ម៉ូតូចំនួន ០២ គ្រឿង
២ . ទូរស័ព្ទដៃចំនួន ០៤ គ្រឿង ។
បច្ចុប្បន្នជនសង្ស័យត្រូវបានកម្លាំងអធិការដ្ឋាននគរបាលស្រុកម៉ាឡៃប្រគល់ជូនកម្លាំងអធិការដ្ឋាននគរបាលក្រុងប៉ោយប៉ែតដើម្បីចាត់ការតាមនីតិវិធីច្បាប់ ។
ករណីខាងលើនេះលោកអធិការក្រុងប៉ោយប៉ែតសៅ សារឿនបានប្រាប់ថាៈលោកកំពុងសាកសួរនិងស្រាវជ្រាវរកបក្ខពួកបន្ថែម៕
ដោយ ៖ វណ្ណា
