សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានចេញបញ្ជាដាច់ណាត់ត្រូវតែបង្ក្រាបល្បែងសុីសងគ្រប់ប្រភេទឱ្យអស់ ភ្លាមៗបន្ទាប់ពីទទួលបានសារសម្លេងរបស់សម្តេចតេជោ ហ៊ុន សែន រដ្ឋបាលរាជធានីភ្នំពេញដែលដឹកនាំដោយលោក ឃួង ស្រេង អភិបាលរាជធានីភ្នំពេញ បានបើកកិច្ចប្រជុំបន្ទាន់ដែលមានការចូលរួមពីភិបាលរងរាជធានី ស្នងការនគរបាលរាជធានីភ្នំពេញ មេបញ្ជាការអាវុធហត្ថរាជធានីភ្នំពេញ អភិបាលខណ្ឌទាំង១៤ អធិការខណ្ឌទាំង១៤ ប្រធានផ្សារទាំងអស់ក្នុងរាជធានីភ្នំពេញ និងមន្ត្រីពាក់ពន្ធនានាធ្វើយ៉ាងណាចុះបង្ក្រាប់ល្បែងសុីសងឱ្យអស់។
ដោយទទួលបានបញ្ជាពីលោកឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ លោកវរសេនីយ៍ឯក សុឹម ពិសិដ្ឋ អធិការនគរបាលខណ្ឌបឹងកេងកង បានដឹកនាំកម្លាំងចុះបង្ក្រាបទីតាំងល្បែងខុសច្បាប់ចំនួន៧កន្លែងក្នុងមូលដ្ឋានរបស់ខ្លួន។
ជាក់ស្ដែងក្នុងប្រតិបត្តិការនោះជាលិតផលឃាត់មនុស្ស១១នាក់(ស្រី៦នាក់) និងចាប់យកវត្ថុតាងជាសម្ភារៈល្បែងជាច្រើន បន្ទាប់ពីចុះបង្ក្រាបទីតាំងត្រូវបានបិតផងដែរ។
បច្ចុប្បន្នជនសង្ស័យទាំងអស់នោះ ត្រូវបានកម្លាំងសមត្ថកិច្ចជំនាញបញ្ជូនខ្លួនមកសាកសួរនៅអធិការដ្ឋាននគរបាលខណ្ឌបឹងកេងកង ដេីម្បីចាត់ការតាមច្បាប់ ៕
ដោយ៖ស តារា
