សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ នៅថ្ងៃទី០២ ខែតុលា ឆ្នាំ២០២២ បានផ្ញើសាររំលែកទុក្ខជូនចំពោះគ្រួសារសពយុទ្ធជនពីររូបដែលបានបាត់បង់ជីវិតក្នុងហេតុការណ៍ការជួយសង្គ្រោះជីវិតក្មេងប្រុសពីការលង់ទឹក។
តាមរយៈសារលិខិតរំលែកទុក្ខ នាយឧត្តមសេនីយ៍ វង្ស ពិសេន បានសម្តែងនូវសេចក្តីសោកស្តាយ ចូលរួមរំលែកទុក្ខដ៏ក្រៀមក្រជាមួយក្រុមគ្រួសារនៃសព និងបានបួងសួង ឧទ្ទិសដល់វិញ្ញាណក្ខន្ធ ពលបាលឯក ឈន ស៊ីដេត និងពលទោ វ៉ាន់ ថុន សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ។
ជាមួយនឹងការចូលរួមរំលែកទុក្ខដ៏ក្រៀមក្រំនេះ នាយឧត្តមសេនីយ៍ អគ្គមេបញ្ជាការ ក៏បានឧបត្ថម្ភថវិកាចំនួន ១០ លានរៀលផងដែរ៕
ដោយ : សិលា
