សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ ស្រ្តីម្នាក់ដែលជាមុខសញ្ញាគ្រឿងញៀន ត្រូវបានកម្លាំងនគរបាលជំនាញស្រុកភ្នំព្រឹក ចុះស្រាវជ្រាវរហូតឈានដល់ការបង្រ្កាបនិងឃាត់ខ្លួន ក្នុងបទល្មេីសជាក់ស្តែង ពាក់ព័ន្ធករណីរក្សាទុកដោយខុសច្បាប់នូវសារធាតុញៀន។ នេះបេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តបាត់ដំបង បានឱ្យដឹងនៅព្រឹកថ្ងៃសៅរ៍ទី០៨ ខែតុលា ឆ្នាំ២០២២។
របាយការណ៍ដដែលបន្តថា ករណីឃាត់ខ្លួនស្រ្តីខាងលេីនេះ បានកេីតឡេីងកាលពីវេលាម៉ោង ៣និង៣០នាទីរសៀលថ្ងៃទី ០៧ ខែតុលាម្សិលមិញនេះ នៅចំណុចភូមិភ្នំប្រាពីរ ឃុំបួរ ស្រុកភ្នំព្រឹក ខេត្តបាត់ដំបង។
បើតាមការបញ្ជាក់ពីលោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានឱ្យដឹងថា ក្នុងកិច្ចប្រតិបត្តិការនេះ កម្លាំងសមត្ថកិច្ចបានចាប់និងឃាត់ខ្លួន ជនសង្ស័យម្នាក់ឈ្មោះ ហ៊ាង ដានី ភេទស្រី អាយុ២៧ឆ្នាំ មានទីលំនៅភូមិភ្នំប្រាំពី ឃុំបួរ ស្រុកភ្នំព្រឹក ខេត្តបាត់ដំបង ។
ដោយឡែកវត្ថុតាងចាប់យកបានរួមមាន៖ ម្សៅក្រាមពណ៌សច្រក់ក្នុងថងផ្លាក់ស្ទិចកិបមាត់ពណ៌សមួយថង់សង្ស័យជាសារធាតុញៀន។
បច្ចុប្បន្នជនសង្ស័យនិងវត្ថុតាងខាងលើ សមត្ថកិច្ចកំពុងកសាងសំណុំរឿងបញ្ជូនមកការិយាល័យជំនាញនៅស្នងការដ្ឋាន ចាត់ការតាមនីតិវិធី៕
ដោយ៖សហការី
