សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ កម្លាំងអធិការដ្ឋាននគរបាលស្រុកគងពិសី នៅថ្ងៃទី១៨ ខែតុលា ឆ្នាំ២០២២ វេលាម៉ោង១១និង១០នាទីព្រឹក បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន០២នាក់ នៅចំណុចភូមិព្រៃកែស ឃុំព្រៃវិហារ ស្រុកគងពិសី ខេត្តកំពង់ស្ពឺ ។
ជនសង្ស័យមានឈ្មោះ យិន ផា ភេទប្រុស អាយុ៣៩ឆ្នាំ នៅភូមិទួលត្បែង ឃុំព្រៃវិហារ ស្រុកគងពិសី (មុខសញ្ញាមានដីកាបង្គាប់ឲ្យចាប់ខ្លួន) និងឈ្មោះ កោះ សែន ភេទស្រី អាយុ៣០ឆ្នាំ នៅភូមិព្រៃកែស ឃុំព្រៃវិហារ ស្រុកគងពិសី ខេត្តកំពង់ស្ពឺ ។
ក្នុងប្រតិបត្តិការនេះអនុវត្តតាមយោបល់ដឹកនាំរបស់លោកឧត្តមសេនីយ៍ទោស្នងការនគរបាលខេត្តកំពង់ស្ពឺ រួមនឹងដោយបានការសម្របសម្រួលលេីនីតិវិធីពីលោកព្រះរាជអាជ្ញានៃអយ្យការអមសាលាដំបូងខេត្តផងនោះ កម្លាំងជំនាញនៃអធិការដ្ឋាននគរបាលស្រុកគងពិសី ចុះប្រតិបត្តិការបង្ក្រាបបានករណីជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង។
ដកហូតវត្ថុតាងរួមមាន ៖ ម្សៅក្រាមពណ៌សថ្លាសង្ស័យជាគ្រឿងញៀន ១កញ្ចប់តូច រួមនឹងឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្ន ជនសង្ស័យ និងវត្ថុតាងកម្លាំងការិយាល័យជំនាញ កសាងសំណុំរឿង ចាត់ការតាមនីតិវិធី ៕
ដោយ៖ អារុណរះ
