សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បេីយោងតាមប្រភពព័ត៌មានពីរដ្ឋបាលខេត្តព្រះសីហនុនៅព្រឹកថ្ងៃព្រហស្បតិ៍្តទី២៧ ខែតុលា ឆ្នាំ២០២២នេះ បានឱ្យដឹងថា៖ គណៈបញ្ជាការឯកភាពរដ្ឋបាលខេត្តព្រះសីហនុ បានប្រកាសស្វែងរកជនសង្ស័យជាជនជាតិចិនចំនួន០៦នាក់ មានភិនភាគដូចមានក្នុងរូបថតខាងក្រោម ដែលជាប់សង្ស័យនឹងករណីដើរអុកឡុក គំរាមកំហែង និងប្រព្រឹត្តបទល្មើសមួយចំនួនទៀតដែលបានប្រព្រឹត្តក្នុងភូមិសាស្ត្រក្រុងព្រះសីហនុ ខេត្តព្រះសីហនុ នាពេលកន្លងមក។
សូមបញ្ជាក់ថា សមត្ថកិច្ចបាននិងកំពុងតាមប្រមាញ់ក្រុមជនសង្ស័យខាងលើ និងសូមអំពាវនាវដល់សាធារណជនទាំងអស់សូមចូលរួមសហការ និងផ្តល់ព័ត៌មានដល់អាជ្ញាធរមានសមត្ថកិច្ចក្នុងករណីប្រទះឃើញក្រុមជនសង្ស័យទាំងនេះដើម្បីសមត្ថកិច្ចចាត់វិធានការតាមផ្លូវច្បាប់។
គណៈបញ្ជាការឯកភាពរដ្ឋបាលខេត្តព្រះសីហនុនឹងរក្សាការសម្ងាត់ ព្រមទាំងផ្តល់រង្វាន់លើកទឹកចិត្តដល់បងប្អូនដែលចូលរួមសហការផ្តល់ព័ត៌មាន៕
ដោយ៖សហការី
