សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រទេសកម្ពុជា នៅតែមានវត្តមានសត្វខ្លាត្រី ដែលជាប្រភេទម័សាសត្វនៅក្នុងប្រទេសដ៏ពិតប្រាកដ ហើយការបញ្ជាក់ពីវត្តមានរបស់វាកាលពីពេលថ្មីៗនេះបង្ហាញពីជោគជ័យមួយ នៃគោលនយោបាយកម្ពុជា លើបញ្ហាបរិស្ថានជាពិសេសគឺការការពារជីវចម្រុះ។
ជាក់ស្ដែងក្រុមមន្រ្ដីឧទ្យានុរក្សតំបន់រ៉ាមសារបឹងទន្លេឆ្មារ កាលពីខែតុលានេះបានថតរូបភាពនៃប្រភេទមំសាសីមួយក្បាលក្នុងកំឡុងពេលចុះល្បាតប្រចាំខែរបស់ពួកគាត់ ដោយពួកគេបានថតរូបភាព ហើយរូបភាពនោះត្រូវបានបញ្ជាក់រួចរាល់ហើយដោយក្រុមអ្នកជំនាញ។
សូមជម្រាបថា សត្វខ្លាត្រីអាចមានទម្ងន់ពី ១០ ទៅ ១៥ គីឡូក្រាម ឬលើសពីនេះ ហើយមានលក្ខណៈសម្របខ្លួនខ្ពស់ទៅតាមទីជម្រកក្នុងតំបន់ព្រៃលិចទឹក ជាពិសេសស្បែកការពារទឹកពីរស្រទាប់ ដូចមានក្នុងរូបភាពនេះ។ ការបាត់បង់ទីជម្រក ការបរបាញ់ ការបំពុលជាដើម គឺជាកត្តាគំរាមកំហែងដល់ប្រភេទមំសាសីមួយនេះ ដោយកន្លងមក វាធ្លាប់បានគេថតដែរនៅខាងព្រៃលិចទឹកនៅភាគនិរតី ពោលគឺនៅតាម ព្រៃទឹកភ្លាវ នៅជាប់នឹងសមុទ្រ។
គួរបញ្ជាក់ថា ការអះអាងនេះ នេះជាកំណត់ត្រាជាក់លាក់ជាលើកទីមួយពីវត្តមានសត្វខ្លាត្រីនៅតំបន់រ៉ាមសារបឹងទន្លេឆ្មារ ក៏ដូចជានៅកម្ពុជា ដោយសារតែសត្វខ្លាត្រី គឺជាប្រភេទកំពុងរងគ្រោះក្នុងបញ្ជីក្រហមរបស់អង្គការ IUCN អាស្រ័យដោយចំនួនរបស់វាបាននឹងកំពុងបន្តថយចុះ៕
ដោយ៖សហការី
