សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ឡេីងលេីផ្ទះប្រជាពលរដ្ឋលួចខោអាវបានមួយកំផ្លេម្ចាស់មកទាន់លោតចុះពីជាន់ទី១មកក្រោមបណ្តាលឲ្យរបួសជេីងរត់លែងរួចត្រូវប្រជាពលរដ្ឋចាប់ប្រគល់ជូនសមត្ថកិច្ច កាលពីវេលាម៉ោង៣និង៣០នាទីរសៀល ថ្ងៃទី៣១ ខែតុលា ឆ្នាំ២០២២ នៅជិតផ្សារឯករាជ្យ២ ភូមិព្រៃព្រីងជេីង២ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះ ណាក់ ណុយ ភេទប្រុសអាយុ១៨ឆ្នាំ ស្នាក់ភូមិព្រៃព្រីងជេីង២ សង្កាត់ចោមចៅទី៣ ខណ្ឌពោធិ៍សែនជ័យ។ មានស្រុកកំណេីតនៅ ឃុំស្រែវែល ស្រុកចំការលេី ខេត្តកំពង់ចាម។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុខណៈម្ចាស់រវល់នៅខាងក្រោមស្រាប់តែជនសង្ស័យលួចឡេីងទៅជាន់ទី១ លួចខោអាវបន្ទាប់មកម្ចាស់ឡេីងទៅក៏ឃេីញជនសង្ស័យភ្លាមនោះជនសង្ស័យបានលោតទំលាក់ខ្លួនចុះមកក្រោមបណ្តាលឲ្យរបួសជេីងរត់លែងរួចទេីបប្រជាពលរដ្ឋឃាត់ខ្លួនបានភ្លាមៗតែម្តង។
ក្រោយកេីតហេតុទេីបរាយការណ៍ទៅសមត្ថកិច្ចនាំខ្លួនជនសង្ស័យយកទៅប៉ុស្តិ៍នគរបាលចោមចៅទី៣ដេីម្បីកសាងសំណុំរឿងបញ្ជូនទៅផ្នែកព្រហ្មទណ្ឌចាត់ការតាមច្បាប់៕
ដោយ៖សុខាសែនជ័យ
