ស្ត្រីជនជាតិ ថៃម្នាក់លោតពីលើអគារមិនទាន់ដឹងមូលហេតុរងរបួសធ្ងន់ក្រោយពីបញ្ជូនទៅមន្ទីរពេទ្យបានស្លាប់

 ក្រុងប៉ោយប៉ែត ៖ ស្ត្រីជាជនជាតិថៃម្នាក់បានលោតពីលើអគាររងរបួសធ្ងន់បង្កការភ្ញាក់ផ្អើលកាលពីវេលាម៉ោង៤ភ្លឺនៅទី០៦វិច្ឆិកាឆ្នាំ២០២២ ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។

   ប្រភពពីសមត្ថកិច្ចប្រាប់ថាៈ ស្ត្រីរងគ្រោះមានឈ្មោះ  អារីហ្សា ខាំចារើន អាយុ២២ឆ្នាំ  (ជនជាតិថៃ)បានលោតពីលើអគារ Y  ពណ៌សលាយត្រាវកំពស់៣ជាន់ (ដោយពុំទាន់ដឹងមូលហេតុ) នៅម្តុំខាងក្រោយហ្គោលដិនស្ទូចត្រី បានរងរបួសធ្ងន់។

ខណៈពេលនោះត្រូវបានសន្តិសុខបញ្ជូនមកសង្គ្រោះនៅមន្ទីរពេទ្យបង្អែកក្រុងប៉ោយប៉ែតក៏ បានស្លាប់។ 

សាកសពមានឈ្មោះ ARISA KAMJARERN ភេទ ស្រី អាយុ ២២ ឆ្នាំ ជនជាតិថៃ (គ្មានលិខិតឆ្លងដែន)។

 សាកសពត្រូវបានតម្កល់ទុកក្នុងសាលតម្កល់សពទុកក្នុង​មន្ទីរ​ពេទ្យបង្អែកប៉ោយប៉ែត ស្ថិតក្នុងភូមិ ប្រជាធម្មកើត សង្កាត់ អូរឬស្សី ក្រុងប៉ោយប៉ែត ខេត្ត បន្ទាយមានជ័យ។

 សមត្ថកិច្ចបញ្ជាក់ថាៈ រង់ចាំជំនាញស្នើសុំបង្កើតគណៈកម្មាការដើម្បីត្រួតពិនិត្យសាកសព និងធ្វើការស្រាវជ្រាវតាមនីតិវិធីបន្ត ៕

ដោយ ៖ វណ្ណា