សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់អង្គុយផឹកស៊ីជាមួយគ្នាខណៈស្រវឹងរៀងខ្លួនបុរសម្នាក់ចោទថាបុរសម្នាក់លួចមានទំនាក់ទំនងជាមួយប្រពន្ធខ្លួនក៏ប្រកែកគ្នាយ៉ាងតឹងសរសៃករៀងខ្លួនកេីតជាហិង្សាវាយទៅវិញទៅមកបណ្តាលឲ្យរងរបួសសងខាង។
ហេតុការណ៍នេះបានកេីតឡេីងកាលពីវេលាម៉ោង៣រសៀលថ្ងៃទី១៥ ខែវិច្ឆិកាឆ្មាំ២០២២ នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ភាគីម្ខាងឈ្មោះ សំ ណាក់ ភេទប្រុសអាយុ៣៩ឆ្នាំ មានប្រពន្ធឈ្មោះ លក ម៉ាលីន អាយុ៤២ឆ្នាំ មានស្រុកកំណេីតនៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
ភាគីម្ខាងទៀតឈ្មោះ ម៉ៅ ចាន់ថន ភេទប្រុសអាយុ៤១ឆ្នាំ មុខរបរកម្មករសំណង់ ស្នាក់នៅកន្លែងកេីតហេតុ។
តាមប្រភពព័ត៌មានបានឲ្យដឹងថា មុនពេលកេីតហេតុបុរសឈ្មោះម៉ៅ ចាន់ថន បានអង្គុយផឹកម្នាក់ឯងនៅកន្លែងការងារបន្ទាប់មកបុរសឈ្មោះ សំ ណាក់ បានមកសុំផឹកជាមួយដែរ ខណៈផឹកស្រវឹងរៀងខ្លួនបុរសឈ្មោះ សំ ណាក់ ក៏បានចោទបុរសឈ្មោះម៉ៅ ចាន់ថន ថាលួចទាក់ទងជាមួយប្រពន្ធខ្លួន។
ប្រភពដដែលបានបន្តថា ពេលនេះឈ្មោះម៉ៅ ចាន់ថន បានប្រកែកថាមិនដែលស្គាល់ប្រពន្ធរបស់សំណាក់នោះទេ តែនៅតែមិនជឿក៏កេីតជាជម្លោះវាយគ្នាទៅវិញទៅមកបណ្តាលឲ្យរងរបួសទាំងសងខាង។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុដោយសារតែភាគីទាំងសងខាងមិនបានប្តឹងផ្ដល់គ្នាទេីបឲ្យទៅលាងរបួសរៀងៗខ្លួន ៕
ដោយ៖សុខាសែនជ័យ
