សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ២នាក់បានធ្វេីសកម្មភាពលួចយកម៉ូតូម៉ាកហុងដាមួយគ្រឿងរួចគេចខ្លួនបាត់ដោយសុវត្តិភាពបង្កការភ្ញាក់ផ្អេីលកាលពីវេលាម៉ោង១១និង៥០នាទីព្រឹកថ្ងៃទី១៣ ខែធ្នូ ឆ្នាំ២០២២ នៅចំណុចភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ។
ម៉ូតូដែលជនសង្ស័យលួចទៅបាត់នោះម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២២ ពាក់ស្លាកលេខភ្នំពេញ1JD 1567 ។
តាមសម្តីជនរងគ្រោះបានឲ្យដឹងថា មុនពេលកេីតហេតុក្រុមការងាររបស់គាត់ម្នាក់យកម៉ូតូរបស់គាត់ដែលទុកនៅកន្លែងស្នាក់នៅមកយកគាត់នៅកន្លែងធ្វេីការខណៈមកដល់ខាងមុខក៏ទុកម៉ូតូដោយភ្លេចពន្លត់រួចចុះចេញពីម៉ូតូបាត់ ។ បន្ទាប់មកស្រាប់តែមានជនសង្ស័យចំនួន២នាក់ជិះម៉ូតូមួយគ្រឿងម៉ាកស្គូពី មកក្បែរហេីយមានម្នាក់លោតឡេីងជិះម៉ូតូរបស់គាត់ចាកចេញទៅ ភ្លាមនោះប្រជាពលរដ្ឋដែលនៅក្បែរនាំគ្នាស្រែកបង្កការភ្ញាក់ផ្អេីលដេញតាមពីក្រោយតែមិនទាន់ជនសង្ស័យគេចខ្លួនបាត់ទៅ។
ក្រោយកេីតហេតុជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលកាកាបទី១ដេីម្បីងាយស្រួលដល់សមត្ថកិច្ចស្រាវជ្រាវតាមចាប់ជនសង្ស័យយកមកដាក់ទោសតាមច្បាប់។
សូមបញ្ជាក់ថា នៅក្នុងមូលដ្ឋានខណ្ឌពោធិ៍សែនជ័យពោរពេញទៅដោយក្រុមចោរ លួច ឆក់ ប្លន់ ធ្វេីសកម្មភាពជារៀងរាល់ថ្ងៃធ្វេីឲ្យពលរដ្ឋខ្លាចញញេីត។
ជុំវិញករណីខាងលេីនេះផងដែរ កាមេរ៉ាសុវត្តិភាពបានចាប់ពីភិនភាគនិងស្លាកលេខម៉ូតូជនសង្ស័យអស់ហេីយចាំមេីលតេីលោក ម៉ន វុធី អធិការនគរបាលខណ្ឌពោធិ៍សែនជ័យអាចបញ្ចេញស្នាដៃតាមចាប់ជនសង្ស័យខាងលេីបានដែរឬទេដេីម្បីឲ្យពលរដ្ឋមានទំនុកចិត្តជំនឿចិត្តលេីកម្លាំងសមត្ថកិច្ចក្នុងមូលដ្ឋាន ខណៈបទល្មើសកំពុងកក្រេីកក្នុងមូលដ្ឋានខណ្ឌពោធិ៍សែនជ័យ ៕
ដោយ៖សុខាសែនជ័យ
