សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ អ្នកភូមិផងរបងជាមួយ ក៏ដូចជាអាជ្ញាធរ ត្រេកអរ បានឃើញប្អូនស្រី ភាព ស្រីណាត់ លេខតុ 113 ជាសិស្សនៅវិទ្យាល័យ ហ៊ុន សែន វាលរេញ ជាកូនអ្នកក្រីក្រ មានជីវភាពខ្វះមុខខ្វះក្រោយ ប៉ុន្ដែប្អូននៅតែបន្ដប្រឹប្រែងរៀនសូត្រ និងទទួលបានលទ្ធផល និទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២១-២០២២ នេះ។
សង្ឃឹមថា នឹងមានសប្បុរសជន បានឃើញ និងជួយឧបត្ថម្ភគាំទ្រ លើកទឹកចិត្តដល់ប្អូនស្រី ចំពោះការខិតខំនេះ ។
សូមបញ្ជាក់ថា, សិស្សប្រឡងមធ្យមបាក់ឌុប ឆ្នាំសិក្សា ២០២១-២០២២ ឆ្នាំនេះ សិស្សជាប់ សរុប ៩០៩៥០នាក់ ត្រូវជា ៧២.៣៣ ភាគរយនៃចំនួនបេក្ខជនមក ប្រឡង ។នេះបើយោងតាម សេចក្ដីប្រកាសព័ត៌មាន ស្តីពី លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ របស់ក្រុសួង អប់រំ យុវជននិងកីឡា នៅរសៀលថ្ងៃទី២២ ខែធ្នូ ឆ្នាំ២០២២ម្សិលមុិញ។
ក្រសួងអប់រំ យុវជន និងកីឡាសូមជម្រាបជូនសាធារណជនមេត្តាជ្រាបថា៖ ការប្រកាសលទ្ធផល ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ ប្រព្រឹត្តទៅនៅថ្ងៃទី២២ ខែធ្នូ ឆ្នាំ២០២២ សម្រាប់រាជធានីភ្នំពេញនិងខេត្តកណ្តាល និងថ្ងៃទី២៣ ខែធ្នូ ឆ្នាំ២០២២ សម្រាប់ខេត្តដទៃទៀត។
ជាលទ្ធផល :
-បេក្ខជនប្រឡងជាប់សរុប ៩០៩៥០នាក់ ត្រូវជា ៧២.៣៣ ភាគរយនៃចំនួនបេក្ខជនមក ប្រឡង។
-បេក្ខជនជាប់និទ្ទេស A ចំនួន ១០៤៩ នាក់,
-និទ្ទេស B ចំនួន ៧២៣២នាក់,
-និទ្ទេស C ចំនួន ១៩០៥៣ នាក់,
– និទ្ទេស D ចំនួន ៣១១៦៦នាក់,
– និងនិទ្ទេស E ចំនួន ៣២៤៥០ នាក់ ៕
ដោយ ៖ សិលា
