សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ យោងតាមរបាយការណ៍របស់សមត្ថកិច្ចខេត្តបាត់ដំបងដែលអង្គភាពយើងទើបតែទទួលបាននៅរសៀលថ្ងៃទី០២ខែមករាឆ្នាំ២០២៣នេះបានឱ្យដឹងថា កាលពីវេលាម៉ោង១៦និង២០នាទី ថ្ងៃទី ៣១ ខែធ្នូ ឆ្នាំ២០២២ នៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង កម្លាំងបានធ្វេីការនាំខ្លួនជនសង្ស័យ០១នាក់ ឈ្មោះ មឿន ចាន់ថន ភេទប្រុស អាយុ៣៤ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង។
ក្រោយពីបានធ្វេីការឃាត់ខ្លួននិងសាកសួររួច កម្លាំងយេីងបានធ្វេីការស្រាវជ្រាវរហូតឈានដល់ការឃាត់ខ្លួនជនសង្ស័យបានចំនួន ០២នាក់ទៀតនៅថ្ងៃទី០១ ខែមករា ឆ្នាំ២០២៣ វេលាម៉ោង ១១និង៤០នាទី នៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ដែលជនសង្ស័យទី១-ឈ្មោះ ភិន ថាវី ភេទប្រុស អាយុ៣៦ឆ្នាំ និងទី២- ឈ្មោះ តូច សុភាសិត ហៅ ពៅ ភេទប្រុស អាយុ ៣៨ឆ្ឆ្នាំ ទាំងពីរនាក់មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង និងវត្ថុតាងដកហូតរួមមាន ៖
- ទ្វារឈេី០៥ សន្លឹក
- ក្តារឈេីចំនួន០២សន្លឹក
- ឈេីគ្រែប្រអប់ចំនួន០២សន្លឹក
- ឈេី០៤ដុំ
- ម៉ូតូ ០១ គ្រឿង ម៉ាកស៊ុយហ្ស៊ុយគីវីវ៉ា ពណ៌ក្រហម ស៊េរីចាស់គ្មានស្លាកលេខ។
គួរបញ្ជាក់ថា កាលពីថ្ងៃទី៣០ ខែធ្នូ ឆ្នាំ ២០២២ វេលាម៉ោង០០និង០២នាទី នៅចំណុចភូមិដង្កោទាប សង្កាត់ទួលតាឯក ក្រុងបាត់ដំបង ជនសង្ស័យខាងលើ រួមជាមួយបក្សពួកចំនួន០២នាក់ទៀតដែលកំពុងរត់គេចខ្លួន បានធ្វេីសកម្មភាពផ្លោះរបងចូលគាស់ផ្ទះលួចយកទ្រព្យសម្បត្តិរបស់ជនរងគ្រោះឈ្មោះ ឆេង គឹមលាង ភេទស្រី អាយុ ៤៥ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ដែលសម្ភារបាត់បង់រួមមាន ៖
- ទ្វារឈេីចំនួន ០៥ សន្លឹក
- គ្រែឈេីចំនួន០១
- ឈេីធ្នង់ចំនួន០៨ដុំ
- ទ្វារដែកចំនួន០៤
- ទ្រុងដែកចំនួន០១
- ជេីងម៉ាស៊ីនដេរចំនួន០១
- គម្របម៉ាស៊ីនត្រាក់ទ័រចំនួន០១
បច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
ដោយ៖ ចន្ទ លីហ្សា
