🔴ឧកញ៉ា ធី ឬទ្ធសី រកស៊ីប្រេងគេចពន្ធលោតឆ័ត្រ ជាប់អន្ទាក់គយខេត្តកំពត ធ្វើឱ្យអ្នកស៊ីឈ្នួលដឹករងគ្រោះ !

ខេត្តកំពត ៖ ឧកញ៉ា ធី ឬទ្ធសី ចាត់ទុកថាជាឈ្មួញដ៏ជំនាញមួយរូបខាងរកស៊ីមុខរបរមិនសូវស្របច្បាប់ លោតឆ័ត្រ សូម្បីតែដឹកឈើ បូមខ្សាច់ ជាដើម។ ឥឡូវនេះចេញមុខរកស៊ីប្រេងគេចពន្ធ នៅក្រុងបូកគោ ខេត្តកំពត តាមរយៈមុខរបរមិនស្របច្បាប់ (ការប្រណាំងប្រជែងពាណិជ្ជកម្មដោយគ្មានភាពស្មោះត្រង់) ត្រូវបានកម្លាំងសមត្ថកិច្ចគយនិងរដ្ឋាករខេត្តកំពត បង្ក្រាបបានក្នុងបទល្មើសជាក់ស្តែង ។ ទីបំផុត ! ឧកញ៉ា ធី ឬទ្ធសី មិនព្រមចូលខ្លួនដោះស្រាយ ដើម្បីទទួលខុសត្រូវក្នុងការពិន័យពន្ធគយ ធ្វើឱ្យម្ចាស់រថយន្តដែលខ្លួនបានជួលដឹកប្រេងនោះ រងគ្រោះ ខាតបង់ពេលវេលា បាត់បង់មុខរបរក្នុងការដឹកជញ្ជូន។ 

សូមបញ្ជាក់ថា, ក្នុងកំឡុងចុងសប្តាហ៍ទី១ នៃខែធ្នូ ឆ្នាំ២០២២ ឧកញ៉ា ធី ឬទ្ធសី បានជួលរថយន្តដឹកប្រេងចំនួន ៣គ្រឿង ដើម្បីដឹកប្រេងរបស់ខ្លួន នៅតំបន់ព្រែកមួយកន្លែង ក្នុងក្រុងបូកគោ ដោយអះអាងថាខ្លួនមានច្បាប់នាំចូលត្រឹមត្រូវ។ ប៉ុន្តែ ឧកញ៉ា ធី ឬទ្ធសី លោតឆ័ត្រទាំងស្រុង ក្នុងនោះ ក៏ខាងម្ចាស់ទូកវៀតណាមដឹកប្រេងមក ក្អួតឈាម ខំជឿលើ ឧកញ៉ា ធី ឬទ្ធសី ថាមានច្បាប់នាំចូល និងធានាថា ចាត់ចែងការងាររួចរាល់ ដឹងអី ឧកញ៉ា ធី ឬទ្ធសី រកស៊ីគេចពន្ធ ឈានសមត្ថកិច្ចគយ និងរដ្ឋាករ ខេត្តកំពត បង្ក្រាប ទាំងទូកដឹកប្រេង ទាំងឡានចំនួន ៣គ្រឿង ។ ដូច្នេះទាំងម្ចាស់ទូក ទាំងម្ចាស់ឡាន រងគ្រោះដោយសារ ឧកញ៉ា ធី ឬទ្ធសី ដែលមកដល់ថ្ងៃនេះ គេចខ្លួនអត់ទទួលខុសត្រូវ មកចូលដោះស្រាយបង់ពិន័យពន្ធគយ ធ្វើឱ្យម្ចាស់ឡាន ម្ចាស់ទូក ខាតបង់ពេលវេលា បាត់បង់មុខរបរ ខណៈកំណត់ហេតុគ្រប់បែបយ៉ាង នៅលើ ឧកញ៉ា ធី ឬទ្ធសី ឱ្យកូនចៅតំណាង មកធ្វើកំណត់ហេតុជាមួយគយ តែទីបំផុត មិនព្រមចូលខ្លួនដោះស្រាយ ពិតជាជំនាញលោតឆ័ត្រគ្រប់បែបយ៉ាង ។ 

ពាក់ព័ន្ធករណីខាងលើនេះ នៅព្រឹកថ្ងៃទី៨ ខែមករា ឆ្នាំ២០២៣ អង្គភាព មជ្ឈមណ្ឌលព័ត៌មាន”នគរវត្ត” មិនអាចទាក់ទងសុំការបំភ្លឺបានទេពី ឧកញ៉ា ធី ឬទ្ធសី ដោយទូរស័ព្ទនៅក្រៅតំបន់សេវា ។ 

សូមបញ្ជាក់ថា, គយចាប់ឡានដឹកប្រេង ដែល ឧកញ៉ា ធី ឬទ្ធសី ដឹកលោតឆ័ត្រ ចំនួន៣ គ្រឿង ក្នុងនោះ ១គ្រឿងចំណុះ ២មុឺនលីត្រ, ១គ្រឿង ចំណុះ ៤.០០០លីត្រ ១គ្រឿងទៀតអត់ដឹកប្រេងទេ និងទូកដឹកប្រេងវៀតណាម១គ្រឿងទៀត ៕

ដោយ ៖ មជ្ឈមណ្ឌលព័ត៌មាន”នគរវត្ត”