សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីសិស្សសាលាម្នាក់បានរងរបួសជេីងខណៈជិះម៉ូតូបញ្ច្រាសទិសដៅចរាចរណ៍ត្រូវរថយន្តបុកកាលពីវេលាម៉ោង១១និង៥០នាទីព្រឹកថ្ងៃទី១៣ ខែមករា ឆ្នាំ២០២៣ នៅចំណុចមុខសាលាសង្កាត់ចោមចៅទី៣ តាមបណ្តោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញក្មេងស្រីសិស្សសាលាម្នាក់ជិះម៉ូតូហុងដាឌ្រីមពណ៌ខ្មៅ ពាក់ស្លាកលេខសៀមរាប1I- 4777 ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីកេីតទៅលិច(បញ្ច្រាសទិសដៅចរាចរណ៍)ខណៈមកដល់ចំណុចកេីតហេតុក៏មានរថយន្តម៉ាក morning ពណ៌ស ពាក់ស្លាកលេខភ្នំពេញ2AF-8579 ធ្វេីដំណេីរក្នុងទិសដៅពីលិចទៅកេីតហេីយបានបត់ងាកក្បាលចូលផ្លូវក្នុងដោយសារបាំងរថយន្តដែលចតនៅចិញ្ចេីមផ្លូវក៏បុកម៉ូតូបណ្តាលឱ្យសិស្សសាលាម្នាក់រងរបួសជេីង។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុហើយបានបាញ់ថ្នាំ រួចយករថយន្តនិងម៉ូតូទៅអែបខាងដេីម្បីឱ្យភាគីទាំងសងខាងសម្របសម្រួលគ្នា៕
ដោយ៖សុខាសែនជ័យ
