សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តចំនួន២គ្រឿងបានបេីកបុកគ្នាពេញទំហឹងនៅត្រង់ផ្លូវបំបែកជាបួន បណ្តាលឱ្យរងការខូចខាតយ៉ាងដំណំកាលពីវេលាម៉ោង១០និង៤០នាទីយប់ ថ្ងៃទី១៦ ខែមករា ឆ្នាំ២០២៣ នៅចំណុចផ្លូវលេខ៩៩កែងផ្លូវលេខ៤៣៦ ស្ថិតក្នុងសង្កាត់បឹងត្របែក ខណ្ឌចំការមន។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកម៉ាស្តា ពណ៌ស ពាក់ស្លាកលេខរដ្ឋ១៦ 2-0585 ធ្វេីដំណេីរតាមបណ្តោយផ្លួវលេខ៩៩ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុក៏មានរថយន្តម៉ាកព្រូសពណ៌ទឹកប្រាក់ ពាក់ស្លាកលេខភ្នំពេញBE-5120 ធ្វេីដំណេីរតាមបណ្តោយផ្លូវ៤៣៦ក្នុងទិសដៅពីកេីតទៅលិចក្នុងល្បឿនលឿនដូចគ្នា ពេលមកដល់ផ្លូវបំបែកជាបួនក៏បានជ្រុលទៅបុកគ្នាពេញទំហឹងបណ្តាលឱ្យរងការខូចខាតទាំងសងខាង។
ក្រោយកេីតហេតុសមត្ថកិច្ចបានចុះមកដល់ ហើយធ្វេីការវាស់វែងយករថយន្តទាំង២គ្រឿងទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
