សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅយប់ថ្ងៃទី១៧ ខែមករា ឆ្នាំ២០២៣ បានបង្ហាញនូវចិត្តរំភើប ត្រេកអរ អ្វីដែលចៅ ធ្វើបាន និងបន្តលើកទឹកអោយចៅបន្តការសិក្សា ដល់បរិញ្ញាប័ត្រជាន់ខ្ពស់ ឬបណ្ឌិត បន្ថែមទៀតសម្រាប់ជាគោលដៅនៃជីវិត ។
សម្តេចតេជោ បានបង្ហោះលើផេកផ្លូវការយ៉ាងដូច្នេះថា, ថ្ងៃនេះចៅស្រីច្បងទទួលសញ្ញាបត្រថ្នាក់ បរិញ្ញាបត្រជាមួយការអបអរសាទរពីជីដូន ជីតានិងក្រុមគ្រួសារ។
សម្តេចតេជោ ហ៊ុនសែន មានប្រសាសន៍លើកឡើងថា, មិនទាន់ចប់ទេចៅបរិញ្ញាបត្រជាន់ខ្ពស់ (អនុបណ្ឌិត)ទាបបំផុតនិងគោលដៅគឺ ថ្នាក់បណ្ឌិត។
សម្តេចតេជោ បានបន្តថា, ការចង់បានរបស់ជីដូនជីតាគឺចៅទាំងអស់ត្រូវតែមានបរិញ្ញាបត្រជាន់ខ្ពស់ទាបបំផុតនិងថ្នាក់បណ្ឌិតជាគោលដៅខ្ពស់បំផុត។
សម្តេចតេជោ ហ៊ុនសែន មានប្រសាសន៍ទៀតថា, នេះជាការកំណត់គោលដៅនៃគ្រួសារដែលសាមីខ្លួនចៅម្នាក់ៗនិងឪពុកម្តាយពួកគេត្រូវខិតខំក្រោមការតម្រង់ទិសពីខ្ញុំផ្ទាល់ដែលជាមេគ្រួសារ៕
ដោយ : សុខ ខេមរា
