សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកភ្នំស្រួច បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ០១នាក់ កាលពីថ្ងៃទី៣០ ខែមករា ឆ្នាំ២០២៣ម្សិលមិញ នៅចំណុចភូមិត្រពាំងប្រិយ៍ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។
យោងតាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺ បានឱ្យដឹងនៅព្រឹកថ្ងៃអង្គារទី៣១ ខែមករា ឆ្នាំ២០២៣នេះថា៖ ជនសង្ស័យឈ្មោះ ឡាង សុធា ហៅ តឿ ភេទប្រុស អាយុ៣១ឆ្នាំ នៅភូមិត្រពាំងប្រិយ៍ ឃុំក្រាំដីវ៉ាយ ស្រុកភ្នំស្រួច ខេត្តកំពង់ស្ពឺ ។
ជាមួយគ្នានោះ បានដកហូតវត្ថុរួមមាន ÷ម្សៅក្រាមពណ៌សថ្លាសង្ស័យជាគ្រឿងញៀន ១៥កញ្ចប់តូច និង ទូរស័ព្ទ ១គ្រឿង។
បច្ចុប្បន្ន ជនសង្ស័យ និងវត្ថុតាង កម្លាំងការិយាល័យជំនាញបានកសាងសំណុំរឿង ចាត់ការតាមនីតិវិធី ៕
ដោយ៖ អរុណរះ
