សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តព្រះសីហនុ នៅរសៀលថ្ងៃព្រហស្បតិ៍ទី១៦ ខែកុម្ភៈ ឆ្នាំ២០២៣នេះថា៖ កម្លាំងសមត្ថកិច្ចជំនាញ បានចុះបង្ក្រាបករណីគ្រឿងញៀន ១ករណី ដោយឃាត់ខ្លួនជនសង្ស័យចំនួន ២នាក់ រួមនិងចាប់យកវត្ថុតាងគ្រឿងញៀនជាច្រេីនកញ្ចប់ផងដែរ។
ជនសង្ស័យទាំង ២នាក់នេះទី១,ឈ្មោះ ចាន់ នុន ហៅដន ភេទប្រុស អាយុ ៣៧ឆ្នាំ និងទី២,ឈ្មោះ អ៊ួង ពៅ ភេទប្រុស អាយុ៣៩ឆ្នាំ។ ក្នុងប្រតិបត្តិការនោះ បានធ្វើឡើងនៅថ្ងៃទី១៥ ខែកុម្ភៈ ឆ្នាំ២០២៣ វេលាម៉ោង១៧៖៣០នាទី នៅចំណុចផ្លូវលំ ស្ថិតក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។
របាយការណ៍ដដែលបន្តថា ក្រោយប្រតិបត្តិការចប់ជនសង្ស័យទាំង២នាក់នេះ រួមនិងវត្ថុតាងម្សៅក្រាមសថ្លាសង្ស័យសារធាតុញៀន ចំនួន ១០កញ្ចប់, ទូរស័ព្ទដៃចំនួន ៣គ្រឿង, ជញ្ជីងថ្លឹង ១គ្រឿង និងម៉ូតូ ១គ្រឿង ត្រូវបានបញ្ជូនទៅស្នងការដ្ឋាននគរបាលខេត្តព្រះសីហនុ ដេីម្បីចាត់ការបន្តតាមនីតិវីច្បាប់៕
ដោយ៖សហការី
