សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះប្រជាពលរដ្ឋដែលបេីកកន្លែងបោកអ៊ុតត្រូវបានអគ្គិភ័យឆាបឆេះយ៉ាងសន្ធោសន្ធៅរងការខូចខាតយ៉ាងដំណំ បង្កការភ្ញាក់ផ្អេីលដល់ប្រជាពលរុដ្ឋរាយការណ៍ទៅសមត្ថកិច្ចចុះមកធ្វើអន្តរាគមន៍ កាលពីវេលាម៉ោង១០និង១០នាទីយប់ថ្ងៃទី០៨ ខែមីនា ឆ្នាំ២០២៣ នៅបុរីពិភពថ្មី១ ផ្លូវជាតិលេខ៣ ភូមិព្រៃកី សង្កាត់ភ្លើងឆេះរទេះ ខណ្ឌកំបូល ។
ម្ចាស់ផ្ទះមានឈ្មោះអៀង ដារ៉ា ភេទប្រុស អាយុ៣២ឆ្នាំ។
តាមប្រភពព័ត៌មានបានឱ្យដឹងថា មុនពេលកេីតហេតុខណៈម្ចាស់ផ្ទះមិននៅដោយនៅតែបុគ្គលិកស្នាក់នៅខាងក្រោម បន្ទាប់មកក៏ឮសំឡេងផ្ទុះនិងបែកផ្កាភ្លេីងចេញពីក្នុងបន្ទប់ជាន់ទី១។ ភ្លាមនោះក្រុមបុគ្គលិកក៏នាំគ្នាយកបំពង់ពន្លត់បាញ់ពន្លត់និងរាយការណ៍ទៅសមត្ថកិច្ចឱ្យជួយទាក់ទងទៅក្រុមរថយន្តពន្លត់អគ្គិភ័យមកជួយធ្វើអន្តរាគមន៍ភ្លាមៗ ដោយប្រេីប្រាស់អស់ទឹកចំនួន២ឡានទេីបអាចគ្រប់គ្រងបាន។
ចំពោះសម្ភារដែលខូចខាត គឺ ពូក គ្រែនិងសម្ភារប្រេីប្រាស់ក្នុងបន្ទប់ត្រូវបានភ្លើងឆេះអស់ទាំងស្រុង តែមិនរាលដាលដល់ផ្ទះអ្នកជិតខាងនោះទេ៕
ដោយ៖សុខាសែនជ័យ
