🔴សមត្ថកិច្ចនគរបាលខណ្ឌសែនសុខ មានវិធានការ និងកំពុងក្តោបមុខសញ្ញាបានហើយ ! ជនស៊ីវិល ២រូប ធ្វើសកម្មភាព ជិះម៉ូតូណៃហត ១គ្រឿង ធ្វើខ្លួនឯងជាសមត្ថកិច្ច ចាប់ប្រជាពលរដ្ឋឆែករកគ្រឿងញៀននិងប្រើហិង្សា

ភ្នំពេញ ៖ រឿង ចម្លែក ៗ ! គឺមានជនស៊ីវិលវាមធ្យមទេ  តែងំពួកនេះ បានដោះអាវទៀត ,ចង់ល្បីហើយមើលទៅ ! ខណៈឃើញបុរសពីរនាក់ ជិះម៉ូតូណៃហត១គ្រឿង ធ្វើខ្លួនឯងជាសមត្ថកិច្ច ចាប់ប្រជាពលរដ្ឋឆែករកគ្រឿងញៀននិងប្រើហិង្សា ។

ហេតុការណ៍បង្កឲ្យមានការភ្ញាក់ផ្អើលនេះកើតទ្បើងនៅម៉ោងជិត១២យប់ថ្ងៃទី ៥ ខែឧសភា ឆ្នាំ ២០២៣ នៅតាមបណ្ដោយផ្លូវ ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ  បន្ទាប់ពី ពិធីបើកព្រឹត្តិការណ៍ស៉ីហ្គេមលើកទី៣២(32nd SEA Games) និង អាស៊ានប៉ារ៉ាហ្គេមលើកទី១២(12th ASEAN Para Games ) បានបញ្ចប់ បានជាង ១ម៉ោង។ 

សូមបញ្ជាក់ថា, ក្រោយកើតហេតុភ្លាមៗជនស៊ីវិលទាំងពីរនាក់នោះ បានជិះម៉ូតូគេចខ្លួនបាត់ស្រមោល ចំណែកជនរងគ្រោះ មិនចង់មានរឿងវែងឆ្ងាយក៏នាំគ្នាជិះម៉ូតូត្រឡប់ទៅផ្ទះ រៀងៗខ្លួនទៅ ។

ទោះជាជនរងគ្រោះ មានការភ័យខ្លាច និងមិនចង់ឲ្យមានករណីវែងឆ្ងាយនោះក៏ដោយ ឬគ្មានពាក្យបណ្ដឹង ។

ចំពោះសមត្ថកិច្ចនគរបាលខណ្ឌសន្តិសុខ មិននៅស្ងៀមក្នុងរឿងនេះឡើយ។ 

លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ នៅថ្ងៃទី ៦ ខែឧសភា ឆ្នាំ២០២៣ បានប្រាប់អង្គភាពមជ្ឈមណ្ឌលព័ត៌មាន”នគរវត្ត” តាមទូរស័ព្ទយ៉ាងដូច្នេះថា, ខ្ញុំបានធ្វើកិច្ចការ ដោយយកចិត្តទុកដាក់ តាមរយៈការស៊ើបអង្កេត ស្រាវជ្រាវ សមត្ថកិច្ចជំនាញរបស់យើង ក៏បានកំណត់មុខសញ្ញា ដែលបច្ចុប្បន្ននេះ សមត្ថកិច្ចនគរបាលខណ្ឌ សហការជាមួយនឹងសមត្ថកិច្ចពាក់ព័ន្ធដទៃទៀត មានវិធានការក្នុងរឿងនេះដោយព្យាយាមបំផុត។

សូមជម្រាបជូនថា , ក្រុមជនឆក់ឱកាស ច្រើនធ្វើសកម្មភាព ផ្សេងៗទៅលើប្រជាពលរដ្ឋ ហើយប៉ះពាល់ដល់ស្ថាប័នសមត្ថកិច្ចក្នុងមូលដ្ឋាន ដែលជាកត្តាត្រូវលុបបំបាត់ឱ្យខានតែបាន ៕

ដោយ ៖ សិលា