សារព័ត៌មាន នគរវត្ត តែងតែនាំមុខគេជានិច្ច
តៃវ៉ាន់បានរកឃើញយន្តហោះយោធា១០គ្រឿង និងនាវាកងទ័ពជើងទឹក៤គ្រឿងជុំវិញកោះតៃវ៉ាន់ចាប់ពីម៉ោង៦ព្រឹកថ្ងៃទី១២ ឧសភា ដល់ម៉ោង៦ព្រឹកថ្ងៃទី១៣ ឧសភា ។ព័ត៌មានត្រូវបានទីភ្នាក់ងារការពារតៃវ៉ាន់ប្រកាសនៅព្រឹកថ្ងៃទី១៣ ឧសភា។ តាមនោះ យន្តហោះចិនមួយគ្រឿងបានចូលក្នុងតំបន់ និរតីនៃតំបន់កំណត់អត្តសញ្ញាណការពារដែនអាកាស (ADIZ) របស់តៃវ៉ាន់។
ក្រសួងការពារជាតិតៃវ៉ាន់ បានរកឃើញយន្តហោះចិនមួយគ្រឿង ជាយន្តហោះចម្បាំងប្រឆាំងនាវាមុជទឹក Shaani Y-8។ ជាការឆ្លើយតប តៃវ៉ាន់បានដាក់ពង្រាយយន្តហោះល្បាតប្រយុទ្ធ នាវាកងទ័ពជើងទឹក និងបានដាក់ពង្រាយប្រព័ន្ធការពារកាំជ្រួច ដើម្បីតាមដានចលនារបស់យន្តហោះ និងនាវាចម្បាំងរបស់ចិន។
ការចូលរបស់យន្តហោះ និងនាវាចម្បាំងរបស់ចិន ចូលទៅក្នុងតំបន់កំណត់អត្តសញ្ញាណការពារដែនអាកាសរបស់តៃវ៉ាន់ បានកើតឡើងស្ទើរតែរាល់ថ្ងៃ ចាប់តាំងពីចុងឆ្នាំ ២០២០ រហូតមកដល់បច្ចុប្បន្ន។
ទោះជាយ៉ាងណាក៏ដោយ ក្នុងរយៈពេលថ្មីៗនេះ ចំនួនយន្តហោះយោធា យន្តហោះគ្មានមនុស្សបើក និងយន្តហោះផ្សេងទៀត ត្រូវបានបញ្ជូនទៅកាន់តំបន់នេះ ដើម្បីបង្ហាញពីការប្រឆាំងរបស់ទីក្រុងប៉េកាំងចំពោះមេដឹកនាំតៃវ៉ាន់ ក្នុងការជួបជាមួយមន្ត្រីជាន់ខ្ពស់អាមេរិក៕
ដោយ៖ ធីរីណា(រូបថត ៖ Giaothong)
