សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យុវជនម្នាក់ត្រូវបានសមត្ថកិច្ចនគរបាលនៃអធិការស្រុកសាលាក្រៅឃាត់ខ្លួនតាមដីការួចបញ្ជូនទៅពន្ធនាគារខេត្ត ដោយករណីពីបទជួញដូរសារធាតុញៀន នៅវេលាម៉ោង១៦និង១០នាទី ថ្ងៃទី២០ ខែឧសភា ឆ្នាំ២០២៣ កម្លាំងផែនការងារប្រឆាំងគ្រឿងញៀន នៃអធិការនគរបាលស្រុកសាលាក្រៅ បានអនុវត្តដីកាបង្គាប់ឲ្យឃុំខ្លួនបណ្ដោះអាសន្ន របស់សាលាដំបូងខេត្តប៉ៃលិន ចេញដោយលោក គឹម ម៉េង ចៅក្រមស៊ើបសួរ នៃសាលាដំបូងខេត្តប៉ៃលិន លេខ:២៤៦ព្រទ/២៣ ចុះថ្ងៃទី២០ខែឧសភា ឆ្នាំ២០២៣ ពីបទជួញដូរដោយខុសច្បាប់នូវសារធាតុញៀន ប្រព្រឹត្តកាលពីថ្ងៃទី១៧ខែឧសភាឆ្នាំ២០២៣ នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនត្រូវចោទមានឈ្មោះ សុក វៈ ភេទប្រុស អាយុ១៩ឆ្នាំ រស់នៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន។
បច្ចុប្បន្ន៖ ជនត្រូវចោទខាងលើត្រូវបានបញ្ជូនទៅពន្ធនាគារ ខេត្តប៉ៃលិន ។
ដោយ៖ ស សារ៉េត
