សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រួវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែកប្រពន្ធរងរបួសស្រាលបន្ទាប់ពីជិះម៉ូតូឆ្លងផ្លូវត្រូវរថយន្តកូរ៉េបេីកបុក កាលពីវេលាម៉ោង៤និង១០នាទីរសៀលថ្ងៃទី២៥ ខែឧសភា ឆ្នាំ២០២៣ នៅចំណុចមុខបុរីសែនមនោរម្យ ក្នុងភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មាននៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1CW- 9304 ឌុបប្រពន្ធធ្វេីដំណេីរចេញពីផ្សារសែនមនោរម្យ ឆ្លងផ្លូវជាតិលេខ៤ ភ្លាមនោះស្រាប់តែមានរថយន្តកូរ៉េពណ៌ស ពាក់ស្លាកលេខកោះកុង3A-0458 បើកតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតជ្រុលទៅបុកម៉ូតូពេញទំហឹងបណ្តាលឱ្យភាគីខាងម៉ូតូរងរបួសធ្ងន់ម្នាក់ស្រាលម្នាក់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែកម៉ូតូនិងរថយន្តត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយនាពេលក្រោយ៕
ដោយ៖សុខាសែនជ័យ
