សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ទ្រព្យសម្បត្តិមួយចំនួនរបស់ក្រុមកីឡារត់ប្រណាំងដែលទុកក្នុងរថយន្ត ត្រូវបានជនមិនស្គាល់មុខគាស់ទ្វាររថយន្តលួចយកអស់ ខណ:ដែលជនរងគ្រោះជាក្រុមកីឡាកំពុងរត់ប្រណាំង ។ ករណីនេះ បានកើតឡើងនៅថ្ងៃទី២៨ ខែឧសភា ឆ្នាំ២០២៣ វេលាម៉ោង០៦និង៣០នាទីព្រឹក ចំណុចក្នុងបរិវេនវត្តសុវណ្ណសាគរ ហៅវត្តបន្ទាយ ភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ។
មន្ត្រីនគរបាលក្រុងអរិយក្សត្របានឲ្យដឹងថា ជនរងគ្រោះ មិនទាន់បញ្ជាក់ឈ្មោះបាន(ជាក្រុមកីឡាកររត់ប្រណាំង)។ ចំណែកជនសង្ស័យមិនទាន់ស្គាល់អត្តសញ្ញាណ(សមត្ថកិច្ចកំពុងធ្វើការស្រាវជ្រាវ) ។
សម្ភារបាត់បង់មាន ៖ ១.ទូរសព្ទម៉ាក IPhone ចំនួន ០៨គ្រឿង ,២.ទូរស័ព្ទម៉ាក ViVo ចំនួនមួយគ្រឿង ,៣.ប្រាក់ដុល្លារ ចំនួន ៤០០ ដុល្លារអាមេរិក ,៤.អត្តសញ្ញាណបណ្ណសញ្ជាតិខ្មែរ ចំនួន ០១សន្លឹក ,៥.កាតចាក់វ៉ាក់សាំង ,៦.អត្តសញ្ញាណបណ្ណ យោធាចំនួន០១ សន្លឹក ។
ប្រភពដដែលបន្តថា នៅថ្ងៃទី២៨ ខែឧសភា ឆ្នាំ២០២៣ វេលាម៉ោង ០៥និង០០នាទី ដោយមានកម្មវិធីរត់ប្រណាំងពាក់កណ្តាលម៉ារ៉ាតុន (Paddy) ហេីយមានមនុស្សបានធ្វេីចូលរួមមកពីរាជធានីភ្នំពេញ ប្រមាណចំនួន ៧០០នាក់ នៅចំណុចភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ពេលមកដល់អ្នកដែលបានមកចូលរួមរត់ប្រណាំងបានយកមធ្យោបាយធ្វេីដំណេីរមានឡានម៉ូតូទុកចតនៅក្នុងបរិវេនសាលារៀនវត្តបន្ទាយ រួចហេីយបានដាក់សម្ភាតមានដូចជា ទូរស័ព្ទ លុយ និងសម្ភារផ្សេងទៀត នៅក្នុងឡានរួចបានបិទលុកសោរឡានហេីយដល់វេលាម៉ោង ០៦និង២០នាទី ទេីបកីឡាករទាំងអស់បានចេញរត់ប្រណាំងតាមផ្លូវភូមិអរិយក្សត្រដល់វេលាម៉ោង ៧:០០នាទីព្រឹកទេីបកីឡាកររត់ប្រណាំងរត់ត្រឡប់ចូលដល់គោលដៅក្នុងបរិវេនសាលាវត្តបន្ទាយវិញបន្ទាប់ពីរត់មកដល់គោលដៅវិញកីឡាករបាននាំគ្នាដេីរទៅឡានដេីម្បីយកសម្ភារដែរទុកនៅក្នុងឡាន ពេលទៅដល់បានបេីកទ្វារឡាន ស្រាប់តែបាត់សម្ភារមានដូចជា ទូរស័ព្ទ លុយ អត្តសញ្ញាណបណ្ណ បន្ទាប់មកម្ចាស់ឡានផ្សេងទៀតដែលបានចតនៅជិតក៏ត្រូវបានចោរលួចគាស់ទ្វារឡានយកទ្រព្យសម្បត្តិនៅក្នុងឡានដែរ ក្រោយពីទទួលបានពាក្យបណ្តឹងកម្លាំងប៉ុស្តិ៍បានសហការជាមួយកម្លាំងជំនាញធ្វេីការស្រាវជ្រាវឆែកតាមកាមេរ៉ាសុវត្ថិភាពឡានរបស់កីឡាករដែលចតក្នុងបរិវេនសាលា បានបង្ហាញអោយឃេីញថាពិតជាមានករណីមានចោរធ្វេីសកម្មភាពគាស់ទ្វារឡានយកទ្រព្យសម្បត្តិរបស់កីឡាកររត់ប្រណាំងពិតមែន។
បច្ចុប្បន្នកម្លាំងជំនាញកំពុងធ្វេីការស្រាវជ្រាវស្វែងរកមុខសញ្ញាដេីម្បីមកចាត់ការតាមនីតិវិធីច្បាប់៕
ដោយ៖ ស្អាង ជ័យ
