សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមការបញ្ជាក់របស់លោកនាយឧត្តមសេនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ នៅរសៀលថ្ងៃទី០២ ខែមិថុនា ឆ្នាំ២០២៣នេះថា៖ សមត្ថកិច្ចកម្ពុជាបានទទួលសំណើចំនួន ០២ករណីទៀត ដែលស្នើឱ្យជួយសង្គ្រោះជនជាតិបរទេស ០២នាក់។ នេះបេីគិតចាប់ពីម៉ោង ៣៖០០នាទី នាថ្ងៃទី៣១ឧសភា ដល់វេលាម៉ោង ៣៖០០នាទី ថ្ងៃទី១ ខែមិថុនា ឆ្នាំ២០២៣ម្សិលមិញនេះ។
នាយឧត្តមសេនីយ៍ ខៀវ សុភ័គ បានបញ្ជាក់បន្ថែមថា បច្ចុប្បន្នភាពស្រាវជ្រាវ តាមបញ្ជីតាមដាន គិតត្រឹមថ្ងៃទី១ ខែមិថុនា ឆ្នាំ២០២៣ រួមមានដូចខាងក្រោម៖
១៖ សំណើក្នុងបញ្ជីតាមដានរបស់សម្តេចក្រឡាហោម សរុប ៩១៦ករណី មានមនុស្ស ២,១៩៨នាក់។
២៖ បានស្រាវជ្រាវស៊ើបអង្កេតបឋម ៨៦៩សំណើ និងបិទសំណុំរឿង ២៩៥សំណើ (រកឃើញមនុស្ស ១,៣៣៧នាក់, ឃាត់ខ្លួនជនសង្ស័យ ១៣៥នាក់, បិទក្រុមហ៊ុន ៥ទីតាំង, និងផ្អាកអាជីវកម្ម ក៏ដូចជាស្រាវជ្រាវក្រុមហ៊ុន ៤ទីតាំង)។
៣៖ កំពុងបន្តបើកប្រតិបត្តិការស្រាវជ្រាវ និងស៊ើបអង្កេត ៤៧ករណី៕
ដោយ៖ សហការី
