សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី០៤ ខែ មិថុនា ឆ្នាំ២០២៣ វេលាម៉ោងប្រហែល៣និង៣០នាទីរំលងអធ្រាត្រកម្លាំងប៉ុស្តិ៍នគរបាលបឹងកក់ទី១ នៃអធិការដ្ឋាននគរបាលខណ្ឌ ទួលគោក បានឃាត់ខ្លួនជនសង្ស័យ០១នាក់ជាក់ស្ដែងពីបទលួច(លួចទ្រព្យសម្បត្តិជនរងគ្រោះមិនបានសម្រេច) ដែលប្រព្រឹត្តបទល្មើសនៅចំណុច សំណង់ដីឡូត៍គ្មានលេខ ផ្លូវលេខ៥២៤ ក្រុម៥០ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
មន្ត្រីនគរបាលខណ្ឌទួលគោកឲ្យដឹងថា ជនសង្ស័យ ឈ្មោះ ជាក់ ស្នា ហៅ ស្នា ភេទប្រុស អាយុ ៣៣ឆ្នាំ ជនជាតិខ្មែរ មុខរបរ មិនពិតប្រាដក ទីកន្លែងស្នាក់នៅ មិនពិតប្រាកដ។ សមត្ថកិច្ចចាប់វត្ថុតាងចាប់យកមាន÷កន្រៃ្តដងពណ៌ លឿង ក្រហមចំនួន០១ (ចាប់យកពីខ្លួនជនសង្ស័យ)។
មន្ត្រីនគរបាលខណ្ឌទួលគោកឲ្យដឹងថា ជនរងគ្រោះឈ្មោះ សុឹម នាង ភេទប្រុស អាយុ៥០ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន UK ខុនដូ ស្នាក់នៅផ្ទះលេខ ៣៤៤ ផ្លូវលេខលំ ភូមិទ្រា សង្កាត់ស្ទឹងមានជ័យ ខណ្ឌ មានជ័យ រាជធានីភ្នំពេញ ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះ អាសន្ននៅប៉ុស្តិ៍ ដើម្បីសាកសួរកសាងសំណុំរឿងបញ្ជូនទៅកាន់អធិការដ្ឋាននគរបាលខណ្ឌទួលគោក ដេីម្បីនីតិវិធី៕
ដោយ៖ សូរិយា
