សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សង្គ្រាមរុស្សុី-អ៊ុយក្រែនបានបំផ្លាញទំនប់ទឹកវារីអគ្គិសនីNova Kakhovka ស្ថិតនៅក្នុងប្រទេសអ៊ុយក្រែននិងជារដ្ឋថ្មីដែលបានផ្តាច់ខ្លួនចូលរុស្សុី ប្រមាណ១៨គីឡូម៉ែត្រការ៉េ។ នេះជាការបញ្ជាក់ពីលោក ហេង រតនា អគ្គនាយកស៊ីម៉ាក់ នៅព្រឹកថ្ងៃទី៧ ខែមិថុនា ឆ្នាំ២០២៣។
លោក ហេង រតនា អគ្គនាយកសុីម៉ាក់ បានបង្ហោះលើ facebook ផ្លូវការរបស់លោកយ៉ាងដូច្នេះថា : សង្គ្រាមរុស្សុី-អ៊ុយក្រែនបានបំផ្លាញទំនប់ទឹកវារីអគ្គិសនីNova Kakhovka ស្ថិតនៅក្នុងប្រទេសអ៊ុយក្រែននិងជារដ្ឋថ្មីដែលបានផ្តាច់ខ្លួនចូលរុស្សុី។ ទំនប់នេះមានទំហំប្រមាណ១៨គីឡូម៉ែត្រការ៉េ (១៨ពាន់លានម៉ែត្រគូប)ជាទំនប់ទឹកធំជាងគេមួយលេីលោកនេះ។
លោកអគ្គនាយកបានបន្តថា បញ្ហាបាក់ទំនប់ទឹកបង្កឡេីងដោយការបន្ទុះគ្រាប់នេះ បានក្លាយជាការចោទប្រកាន់ដាក់គ្នារវាងរុស្សីនឹងអ៊ុយក្រែន។
លោក ហេង រតនា អគ្គនាយកស៊ីម៉ាក់ បានគូសបញ្ជាក់ថា នេះហេីយសមិទ្ធផលសង្គ្រាម គឺមានតែបំផ្លាញ សម្លាប់មនុស្ស សត្វ ធម្មជាតិ ហេដ្ឋារចនាសម្ព័ន្ធរូបវន្តទាំងឡាយ។
លោកថ្លែងថា យេីងខ្ញុំស្អប់ខ្ពេីមសង្គ្រាម និងគោរពដឹងគុណ ស្រលាញ់សន្តិភាព!! ៕
ដោយ ៖ សិលា
