🔴Breaking News ៖ អតីតនាយករដ្ឋមន្ត្រីអុីតាលី លោក Silvio Berlusconiទទួលមរណភាព

ចែករំលែក៖

អតីតនាយករដ្ឋមន្ត្រីអុីតាលី លោក Silvio Berlusconi បានទទួលមរណភាពក្នុងមន្ទីរពេទ្យមួយក្នុងទីក្រុង Milan (ប្រទេសអុីតាលី) ក្នុងអាយុ៨៦ឆ្នាំ បន្ទាប់ពីបានប្រយុទ្ធនឹងការឆ្លងមេរោគសួតនិងជំងឺផ្សេងៗជាច្រើនសប្តាហ៍មក។
នៅថ្ងៃទី១២ ខែមិថុនា អតីតនាយករដ្ឋមន្ត្រីអុីតាលី លោក Silvio Berlusconi ដែលជាមហាសេដ្ឋីដ៏ឆ្នើមនិងជាអ្នកដឹកនាំប្រទេសអុីតាលីអស់រយៈពេលជិតពីរទសវត្សរ៍ បានទទួលមរណភាពក្នុងមន្ទីរពេទ្យមួយក្នុងទីក្រុង Milan (អុីតាលី) ក្នុងអាយុ៨៦ឆ្នាំ។
បើតាមការបញ្ជាក់របស់ការិយាល័យសារព័ត៌មានរបស់លោកបានបញ្ជាក់ថា «គាត់បានស្លាប់នៅមន្ទីរពេទ្យ San Raffaele បន្ទាប់ពីការព្យាបាលរយៈពេល 6 សប្តាហ៍សម្រាប់ការឆ្លងមេរោគសួតដែលទាក់ទងនឹងជំងឺមហារីកឈាម myelomonocytic រ៉ាំរ៉ៃរបស់គាត់»។
គាត់គឺជាអ្នកនយោបាយម្នាក់ក្នុងចំណោមអ្នកនយោបាយដែលលេចធ្លោបំផុតរបស់ប្រទេសអុីតាលី ត្រូវបានជាប់ឆ្នោតជានាយករដ្ឋមន្ត្រីបីដង ដោយដឹកនាំប្រទេសអុីតាលីពីឆ្នាំ1994 ដល់ឆ្នាំ 2011។ នៅឆ្នាំ 2017 គាត់ទាក់ទាញការចាប់អារម្មណ៍នៅពេលគាត់ត្រលប់មកធ្វើនយោបាយវិញ ទោះបីជាមានរឿងអាស្រូវផ្លូវភេទ និងការចោទប្រកាន់ជាច្រើនអំពីអំពើពុករលួយនិងការក្លែងបន្លំពន្ធក៏ដោយ។
តាមសារព័ត៌មាន CNBCបានឱ្យដឹងថា លោក Silvio Berlusconi កើតនៅថ្ងៃទី២៩ ខែកញ្ញា ឆ្នាំ១៩៣៦ ។ លោកបានប្រឈមនឹងរឿងអាស្រូវជាច្រើន ទាំងការគេចពន្ធ ការបៀតបៀនផ្លូវភេទ ។ លោកធ្លាប់ត្រូវបានកាត់ទោសជាប់គុក តែត្រូវបានលើកលែងទោសវិញ។ លោកក៏ជាម្ចាស់ភាគហ៊ុនធំបំផុតគ្រប់គ្រង Mediaset ដែលជាបណ្តាញទូរទស្សន៍ ណែនាំពីស្នេហាធំបំផុតនៅក្នុងប្រទេសនេះសម្រាប់អ្នកមិនមានគូ ។
មកដល់ខែមិថុនាឆ្នាំ២០២៣ លោក Silvio Berlusconi មានទ្រព្យសម្បត្តិសរុប៧ពាន់លានដុល្លារ ។ លោកក៏ជាម្ចាស់ក្លិបបាលទាត់អុីតាលី គឺក្លឹប អាសេមីឡានចាប់តាំងពីឆ្នាំ១៩៨៦ ដល់ឆ្នាំ២០១៧ ។ លោកបានរៀបការពីរលើក មានកូនសរុប៥នាក់៕ ដោយ៖ ធីរីណា