សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តឡិចសុីសRX300 ថយចេញពីកន្លែងងួតទឹកក្បែរក្រសួងបរិស្ថានទៅបុករថយន្តហាយឡេនឌ័រមួយគ្រឿងដែលកំពុងបេីកផ្លូវត្រង់ចំពីចំហៀងខាងមុខបណ្ដាលឱ្យរងការខូចខាត កាលពីវេលាម៉ោង០៨ព្រឹក ថ្ងៃទី១៣ ខែមិថុនា ឆ្នាំ២០២៣ នៅតាមបណ្ដោយផ្លូវបេតុង ក្បែរក្រសួងបរិស្ថាន ក្នុងសង្កាត់ទន្លេបាសាក់ ខណ្ឌចំការមន។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុបុរសម្នាក់ជាម្ចាស់រថយន្តឡិចសុីសRX300 ពណ៌ទឹកដោះគោ ពាក់ផ្លាកលេខភ្នំពេញ 2AH-7911 បានចេញពីងួតទឹកក្បែរក្រសួងបរិស្ថាន រួចចូលក្នុងរថយន្តបើកថយក្រោយ តែបេីកចេញមិនប្រយ័ត្នក៏ជ្រុលទៅបុករថយន្តម៉ាកតូយ៉ូតា ហាយឡេនឌ័រ មួយគ្រឿងពណ៌ទឹកប្រាក់ ពាក់ផ្លាកលេខភ្នំពេញ 2AS-1302 ដែលបេីកបរដោយបុរសម្នាក់ធ្វេីដំណេីរពីទិសដៅខាងជេីងមកត្បូងក្នុងល្បឿនលឿនល្មម ដោយបុកចំពីចំហៀងខាងមុខផ្នែកខាងស្ដាំបណ្ដាលឱ្យរងការខូចខាត តែមិនបង្កគ្រោះថ្នាក់ដល់មនុស្សនោះឡេីយ ។
ក្រោយកេីតហេតុ ភាគីទាំងសងខាងបានចុះពីលើរថយន្តនិងមានសមត្ថកិច្ចនៅកន្លែងកេីតហេតុជួយសម្របសម្រួលផងនោះ នៅទីបញ្ចប់ភាគីខាងរថយន្តឡិចសុីសRX300ព្រមទទួលកំហុសដោយសងថ្លៃខូចខាតទៅលេីភាគីរថយន្តហាយឡេនឌ័រចំនួន៤០ដុល្លារ យកទៅជួសជុលបញ្ចប់រឿងនៅនឹងកន្លែង៕
ដោយ ៖ ភារ៉ា ដង្កោ
