សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នៅថ្ងៃអាទិត្យ១កេីតខែបឋមាសាឍឆ្នាំថោះបញ្ចស័កព.ស.២៥៦៧ត្រូវនឹងថ្ងៃទី១៨ខែ មិថុនា ឆ្នាំ២០២៣វេលាម៉ោង១១ និង១៥នាទីស្ថិតចំណុចក្រុម ទី១៧ ភូមិអូរគៀត ឃុំគារ ស្រុកមោងឫស្សី ខេត្ត បាត់ដំបង សមត្ថកិច្ចបានឃាត់ខ្លួនបុរសម្នាក់តាមដីការបង្គាប់ឲ្យនាំខ្លួននៃចៅក្រមសាលាដំបូងខេត្ត។
អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀនលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលស្រុក ចុះអនុវត្តដីកាបង្គាប់ឱ្យនាំខ្លួនលេខ ៤០៨ ត.ព្រ ចុះថ្ងៃទី០៨ ខែមិថុនា ឆ្នាំ២០២៣ របស់លោក ថាន់ ឃុង ចៅក្រមស៊ើបសួរ នៃសាលាដំបូងខេត្តបាត់ដំបងដែលក្នុងកិច្ចប្រតិបត្តិការនេះសមត្ថកិច្ចនាំខ្លួនជនត្រូវចោទបានចំនួន០១នាក់ឈ្មោះ អុន កំសត់ ហៅ សត់ ភេទប្រុស អាយុ៤៥ឆ្នាំ មានទីលំនៅក្រុមទី ១៧ ភូមិអូរគៀត ឃុំគារ ស្រុកមោងឫស្សី ខេត្តបាត់ដំបង ជាប់ចោទពីបទចាត់ចែងឱ្យប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចក្រុមទី១៧ ភូមិអូរគ្រៀត ឃុំគារ ស្រុកមោងឫស្សី ខេត្តបាត់ដំបង កាលពីថ្ងៃទី០២ខែឧសភាឆ្នាំ២០២៣។
បច្ចុប្បន្នជនត្រូវចោទត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សីដើម្បីរៀបចំបញ្ជូនតាមនីតិវិធី៕
ដោយ៖ សូរិយា
