សារព័ត៌មាន នគរវត្ត តែងតែនាំមុខគេជានិច្ច
យោងតាម IATA ចំនួនអ្នកដំណើរដែលធ្វើដំណើរតាមយន្តហោះទូទាំងពិភពលោកត្រូវបានគេព្យាករថានឹងកើនឡើង 28.3% ពី 3.39 ពាន់លាននៅឆ្នាំ 2022 ដល់ 4.35 ពាន់លាននៅឆ្នាំ 2023 ។
ចំនួនអ្នកដំណើរដែលធ្វើដំណើរតាមយន្តហោះទូទាំងពិភពលោកត្រូវបានព្យាករថានឹងកើនឡើងដល់ទៅ 28.3% ពី 3.39 ពាន់លានក្នុងឆ្នាំ 2022 ដល់ 4.35 ពាន់លាននៅឆ្នាំ 2023 ដែលត្រលប់មកវិញស្ទើរតែកម្រិតខ្ពស់នៅឆ្នាំ 2019 មុនពេលដែលជំងឺរាតត្បាត COVID-19 ផ្ទុះឡើង។ នេះជាការលើកឡើងរបស់សមាគមដឹកជញ្ជូនផ្លូវអាកាសអន្តរជាតិ (IATA) នៅក្នុងរបាយការណ៍ថ្មីៗនេះ។
យោងតាម IATA ចំនួនអ្នកដំណើរដែលធ្វើដំណើរតាមយន្តហោះក្នុងឆ្នាំ 2023 ត្រូវបានគេរំពឹងថានឹងមានប្រហែល 96% បើធៀបនឹង 4.54 ពាន់លានដែលបានកត់ត្រាកាលពី 4 ឆ្នាំមុន ដោយសារការដកចេញនូវវិធានការត្រួតពិនិត្យ COVID-19 ដោយប្រទេសចំនួន 19 ។
តម្រូវការសម្រាប់ការធ្វើដំណើរតាមយន្តហោះត្រូវបានព្យាករថានឹងកើនឡើងនៅទូទាំងពិភពលោក ដោយតម្រូវការធ្វើដំណើរតាមផ្លូវអាកាសនៅក្នុងតំបន់អាស៊ីប៉ាស៊ីហ្វិកត្រូវបានគេជឿថាមានកម្រិតខ្ពស់បំផុតគឺ 63% ដោយសារតែប្រទេសទាំងអស់នៅក្នុងតំបន់បានលុបចោលការរឹតបន្តឹងការធ្វើដំណើរទាំងស្រុងដោយសារតែជំងឺរាតត្បាត COVID-19 ។
នៅក្នុងសេចក្តីថ្លែងការណ៍មួយ អគ្គនាយក IATA លោក Willie Walsh បានបញ្ជាក់ថា ការលុបចោលការរឹតបន្តឹងការទប់ស្កាត់ COVID-19 របស់ប្រទេសចិនលឿនជាងការរំពឹងទុកបានជួយឱ្យឧស្សាហកម្មអាកាសចរណ៍ងើបឡើងវិញលឿនជាងមុន។
របាយការណ៍របស់ IATA ក៏ព្យាករថា តម្រូវការសម្រាប់ការធ្វើដំណើរតាមផ្លូវអាកាសក្នុងទ្វីបអាហ្រ្វិក និងមជ្ឈិមបូព៌ានឹងកើនឡើង 30.1% និង 20.8% រៀងគ្នា ខណៈដែលក្រុមហ៊ុនអាកាសចរណ៍អឺរ៉ុបអាចកើនឡើង 19.6% និងក្រុមហ៊ុនអាកាសចរណ៍អាមេរិកខាងជើងអាចកើនឡើង 16.5% ។
ដោយសារតម្រូវការសម្រាប់ការធ្វើដំណើរតាមផ្លូវអាកាសត្រូវបានព្យាករថានឹងកើនឡើងខ្ពស់ IATA ក៏បានបង្កើនការប៉ាន់ប្រមាណប្រាក់ចំណេញរបស់ខ្លួនសម្រាប់ឧស្សាហកម្មអាកាសចរណ៍ក្នុងឆ្នាំ 2023 ផងដែរ បើយោងតាមដែលប្រាក់ចំណេញសុទ្ធរបស់ឧស្សាហកម្មនៅឆ្នាំ 2023 អាចឡើងដល់ 9.8 ពាន់លានដុល្លារ ដែលច្រើនជាងទ្វេដងនៃការព្យាករពីមុនចំនួន 4.7 ពាន់លានដុល្លារ៕ ដោយ៖ ធីរីណា
រូបថត៖ AFP
