សារព័ត៌មាន នគរវត្ត តែងតែនាំមុខគេជានិច្ច
ទីក្រុងណាននីង៖ ក្នុងដំណើរទស្សកិច្ចនៅខេត្ត GUANGXI ប្រទេសចិន រយះពេល ៦ថ្ងៃកន្លងមកនេះ ប្រតិភូសារព័ត៏មានកម្ពុជាចំនួន ៩អង្គភាព បានស្ងើចសរសើរជាខ្លាំងចំពោះកំពង់ផែវៃឆ្លាតឈីងចូវ ដែលជាកំពង់ផែលំដាប់ទី៥ និងបង្ហាញធ្វើឱ្យក្រុមអ្នកសារព័ត៍មានទាំងអស់ កាន់តែស្វែងយល់អំពីការធ្វើទំនើបកម្មនៃប្រព័ន្ធបច្ចេកវិទ្យាប្រេីប្រាស់ចុងក្រោយ(AI) ក្នុងការបញ្ជាដឹកជញ្ជូនទំនិញ ដោយគ្មានមនុស្សបេីកបរ។
ក្នុងការទស្សកិច្ចកំពង់ផែវៃឆ្លាតឈីងចូវខាងលេីនេះ បានធ្វេីឡេីងកាលពីថ្ងៃទី១៦ ខែមិថុនា ឆ្នាំ២០២៣ នៅទីក្រុងឈីងចូវ ខេត្តក្វាងស៊ី ប្រទេសចិន។
សូមជម្រាបជូនថា កំពង់ផែនេះត្រូវបានគេចាត់ទុកថាជាលេីកទី៧ របស់ចិន ដែលបានផ្លាស់ប្ដូរពីបុរាណទៅជាកំពង់ផែវៃឆ្លាតដែលប្រេីប្រាសបច្ចេកវិទ្យាទំនើបចុងក្រោយគេនៅលេីពិភពលោកដំបូងរបស់ចិន ដែលដឹកទំនិញតភ្ជាប់ពីកំពង់ផែទៅផ្លូវរថភ្លើងដឹកយកទៅចែកចាយនៅតាមតំបន់នានា ក្នុងប្រទេសចិន និងមួយចំនួនផ្សេងទៀតយកទៅចែកចាយនៅលេីពិភពលោកផងដែរ។កំពង់ផែវៃឆ្លាតមួយនេះ គឺប្រេីប្រាស់នៅប្រព័ន្ធទំនេីបមានដូចជា៖ ប្រព័ន្ធAI ,GPS,សាកថ្ម និងត្រីវិស័យនានា ក្នុងការដឹកជញ្ជូនទំនិញទាំងនោះ មិនតែប៉ុណ្ណោះអ្វីដែលកាន់តែអស្ចារ្យនោះនៅពេលដែលរថយន្តទាំងនោះអស់ថ្ម គឺរថយន្តទាំងនោះអាចទៅសាកថ្មដោយខ្លួនឯង មិនចាំបាច់មានមនុស្សនាំយកទៅសាកថ្មនោះទេ។
គួរបញ្ជាក់ដែរថា កំពង់ផែវៃឆ្លាតនេះ អាចផ្ទប់ទំនិញបាន ២លាម៦០ម៉ឺនតោន ហេីយកាប៉ាលអាចដឹកទំនិញចូលចតបានគឺមានទំងន់ចាប់ពី ១០ទៅ២០ម៉ឺនតោនផងដែរ។ កំពង់ផែមួយនេះ ត្រូវបានដាក់ឱ្យដំណេីរការអស់រយៈពេល ២ឆ្នាំមកហើយ។
នាឱកាសនោះដែរ បានធ្វើក្រុមអ្នកកាសែតកម្ពុជា ពិតជាមានការស្ងើចសរសើរយ៉ាងខ្លាំង នៃដំណើរទស្សកិច្ចលើកនេះ និងធ្វើឱ្យពួកគាត់ស្វែងយល់អំពីវីធីមួយចំនួនរបស់រដ្ឋាភិបាលចិន ក្នុងការកាត់បន្ថយភាពក្រីក្រ និងលើកកំពស់ជីវភាពប្រពលរដ្ឋ នេះក៏ជាបទពិសោធល្អៗសំរាប់កម្ពុជាយកទៅសិក្សាផងដែរ។ក្នុងអំឡុងកម្មវិធីនេះ អ្នកសារព័ត៌មាន នឹងទៅទស្សនកិច្ចទីក្រុងសំខាន់របស់ខេត្តក្វាងស៊ី ដូចជា៖ទីក្រុង Nanning ទីក្រុងQinzhou ទីក្រុងv Liuzhou ទីក្រុង Guilin និងកន្លែងផ្សេងទៀតជាបន្តបន្ទាប់ ដើម្បីចុះផ្សាយស្តីពីការតភ្ជាប់សកម្មភាព របស់ក្វាងស៊ី ជាមួយប្រទេសអាស៊ាន និងការសងសង់គម្រោងច្រករបៀងទាំងផ្លូវគោក និង ផ្លូវទឹកថ្មីធំៗ នៅភាគខាងលិច។ ទន្ទឹមនឹងនោះក្រុមអ្នកសារព័ត៌មានកម្ពុជា មានឱកាស ទទួលបានបទពិសោធន៍បេតិកភណ្ឌវប្បធម៌អរូបី ស្រដៀងនឹងប្រទេសកម្ពុជា និងធ្វើបទសម្ភាសទីតាំងគំរូអភិវឌ្ឍន៍ ឧស្សាហកម្មជាដើម៕
ដោយ៖ ស តារា
