ឃាត់ខ្លួនជនសង្ស័យ ០២នាក់ ពាក់ព័ន្ធការជួញដូរ និងរក្សាទុកនូវសារធាតុញៀន នៅស្រុកទ្រាំង

ខេត្តតាកែវ៖​ ជនសង្ស័យ២នាក់ត្រូវបានកម្លាំងកងរាជអាវុធហត្ថធ្វេីការឃាត់ខ្លួនដកហូតថ្នាំញៀនមួយចំនួន​ កាលពីវេលាម៉ោង ១៤:២០នាទី ថ្ងៃទី២១ ខែមិថុនា ឆ្នាំ២០២៣ ចំណុចរោងស័ង្គសីទុកចោលស្ថិតភូមិស្ពឺ ឃុំអង្គខ្នុរ ស្រុកទ្រាំង ខេត្តតាកែវ ។

ដោយបានទទួលបទបញ្ជាពី លោកឧត្តមសេនីយ៍ត្រី សេង មហា  មេបញ្ជាការ កងរាជអាវុធហត្ថខេត្តតាកែវ និង សម្របសម្រួលនីតិវិធីដោយ លោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ វេលាម៉ោង ១៤:២០នាទី ថ្ងៃទី២១ ខែមិថុនា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបទល្មើសដឹកនាំដោយលោកវរសេនីយ៍ឯក ង៉ែត ចាន់ធី  មេបញ្ជាការរង បានចុះបង្រ្កាបករណី ជួញដូរនិងរក្សាទុកនូវសារធាតុញៀន ដោយខុសច្បាប់ នៅចំណុចរោងស័ង្គសីទុកចោលស្ថិតភូមិស្ពឺ ឃុំអង្គខ្នុរ ស្រុកទ្រាំង ខេត្តតាកែវ ។

ឃាត់ខ្លួនជនសង្ស័យបាន០២នាក់ (ប្រុស)

១/ឈ្មោះលឹម កឹមពេជ ហៅ (បឹប) ភេទប្រុស អាយុ២៣ ឆ្នាំ ជនជាតិខ្មែរ មុខរបរមិនពិតប្រាកដ (ជាអ្នកជួញដូររក្សាទុក) រស់នៅ ភូមិក្រាំងរូង ឃុំធ្លក ស្រុកទាំង ខេត្តតាកែវ ។

២/ ឈ្មោះ ម៉ា ប៊ុនធឿន ហៅ ធឿន  ភេទប្រុស អាយុ ២៨ឆ្នាំ (ប្រើប្រាស់ ) ជនជាតិខ្មែរ មុខរបរមិនពិតប្រាកដរស់នៅភូមិព្រៃសណ្ដែក ឃុំព្រៃស្លឹក ស្រុកទ្រាំងខេត្តតាកែវ។

១.ដកហូតម្សៅក្រាមពណ៌សថ្លាចំនួន ១៤កញ្ចប់ ទម្ងន់= ១៣,៥២ក្រាម  

២​ .ទូរស័ព្ទដៃ០១គ្រឿង 

៣/កាបូបពណ៌ខ្មៅ០១

៤/ ម៉ូតូសេ១២៥ ចំនួន ០២ គ្រឿង (ពណ៌ខ្មៅ០១គ្រឿងស្លាកលេខ1AC 3719 បាត់ដំបង និងពណ៌ក្រហម០១គ្រឿងស្លាកលេខ1C7533ព្រះសីហនុ។

 បច្ចុប្បន្នជនសង្ស័យរួមនិងវត្ថុតាងត្រូវបានឃាត់ខ្លួននិងរក្សាទុកនៅទីបញ្ជាការ កងរាជអាវុធហត្ថខេត្តតាកែវ ការិយាល័យជំនាញកំពុងកសាងសំណុំរឿង បញ្ជូនទៅតុលាការ៕

ដោយ៖សុខាសែនជ័យ