សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តព្រូសមួយគ្រឿងបេីកបន្ថយល្បឿនបំណងបត់ឆ្លងផ្លូវត្រូវរថយន្តឃ្លុបដឹកទំនិញបេីកលឿនមកពីក្រោយជ្រុលទៅបុកវិលមួយជុំខ្ទាតទៅចំណែកផ្លូវម្ខាងទៀត ភ្លាមនោះក៏មានរថយន្តដឹកដែកមកបុកបន្ថែមបណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង២និង៥០នាទីរសៀលថ្ងៃទី១៤ ខែកក្កដា ឆ្នាំ២០២៣ នៅតាមបណ្តោយផ្លូវក្រវាត់ក្រុង៦០ម៉ែត្រ ភូមិទួលកី សង្កាត់ភ្លេីងឆេះរទេះ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីហេតុគេបានឃេីញរថយន្តព្រូស ពណ៌ប្រផេះ ពាក់ស្លាកលេខភ្នំពេញ2BU -1038 ធ្វេីដំណេីរតាមបណ្តោយផ្លូវក្រវាត់ក្រុង៦០ម៉ែត្រ ក្នុងទិសដៅពីជេីងទៅត្បូង ខណៈមកដល់ចំណុចកេីហេតុក៏បន្ថយល្បឿននិងស៊ីញ៉ូបំណងបត់ឆ្វេងឆ្លងផ្លូវ ភ្លាមនោះក៏មានរថយន្តម៉ាកហ៊ីយ៉ាន់ដាយ ប្រភេទឃ្លុប ពណ៌ស ពាក់ស្លាកលេខភ្នំពេញ3E-6456 ធ្វេីដំណេីរ
មកពីក្រោយលឿនជ្រុលទៅបុកពេញទំហឹងបណ្តាលឱ្យវិលមួយជុំខ្ទាតទៅចំណែកផ្លូវម្ខាង ភ្លាមនោះក៏មានរថយន្តហ៊ីយ៉ាន់ដាយ ពណ៌ស ពាក់ស្លាកលេខកំពង់ស្ពឺ3A-2092 ធ្វេីដំណេីរក្នុងទិសដៅពីត្បូងទៅជេីងលឿនជ្រុលទៅបុកបន្ថែមវិលមួយជុំទៀតរងការខូចខាតយ៉ាងដំណំតែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ចំណចកេីតហេតុធ្វេីការបាញ់ថ្នាំរួចយករថយន្តអែបខាងទុកឱ្យភាគីទាំងសងខាងសម្រួលគ្នា៕
ដោយ៖ សុខាសែនជ័យ
